وش رأيكم بالكفاله ..!!

[قلب الاسد]

جاني واحد يبيني أكفله في سياره ..
ومن كثر ماأسمع عن الكفاله ومشاكلها ترددت في كفالته ..!!!
أخاف أكفله ويسدد له كم شهر ثم يسحب علي .. !!!

= انتم وش رأيكم في الكفاله .. ؟؟
= هل هي شهامه في غير محلها ..؟؟
= يعني لو رحت لواحد من أخوياك وطلبت منه انه يكفلك واعتذر منك هل تتغير نظرتك فيه وتقول مافيه خير .. !!
= ولو جاك واحد يبيك تكفله وانت ماودك تكفل أحد من الأساس وشايلها من راسك ..
وش راح يكون ردك له يعني عذر يتقبله بصدر رحب .. !!
.
.

اترك المايك لكم ..!!!

[هامة مضر]

لا تكفل احد الا اذا انك مستعد للسداد اذا ما سدد

والا ابشر بالغرابيل والشكاوي

واحياناً يكون قادر على السداد

لكن لعانه ما يسدد

ولو كان حالته الماديه افضل منك

مايسدد ولا يرد على جوال وجحده

ما شفت طاش ما طاش

سو خير يجيك شر

[ابو حمد]

هو على قولة المضري ابعد عن الشر وغني له,,,
الكفاله قد تكون وسيله لفك ازمة صديق او قريب لك وهذا قد تكون محرج في رفض كفالته
بشرط ان يكون صديق صدوق والمبلغ بقدر تستطيع ان تسدده في حال حدث تغيرات لصديقك او قريبك
فالدنيا لا تدوم على حال وان لم تكن قادر على دفع المبلغ فلا تورط نفسك في تلك الكفاله,,
عندها قد تكون الكفاله سببا في فقد قريبك او صديقك فهو لن يقدر رفضك او يراعي ضروفك مهما
كانت صعبه فهو يقوم بدور الامتحان لمدى صداقتك له,,,
لذلك انت لن تتخذ خطوه الا لمصلحتك اولا واخيرا مهما تكن ردة فعل الشخص المقابل مهما تكن
ردة فعله فمع الزمن سوف يقدر رفضك لكفالته ان كان صديقا مخلصا لك,,

[قلب الاسد]

لا تكفل احد الا اذا انك مستعد للسداد اذا ما سدد

والا ابشر بالغرابيل والشكاوي

واحياناً يكون قادر على السداد

لكن لعانه ما يسدد

ولو كان حالته الماديه افضل منك

مايسدد ولا يرد على جوال وجحده

ما شفت طاش ما طاش

سو خير يجيك شر

على قولتك فيه بعض الناس فيهم لعانه مهيب في العدو ..
تلقاه يتعنطز بالدراهم ولا على باله ..
اهم شئ هو ينبسط وكفيله في المحرقه .. !!
ويازينه يوم يجيك يتودد ويتحببك كنه القطو الجايع .. !!!

[سم الحنش]

لا تكفل احد غير ابوك او اخوك
وابعد عن اشر وغنى له

[سعود]

لاتكفله الا اذا كان صديق عزيز وتعرف انه من النوع الي مايوهق ربعه ....

[تميراوي الرياض]

ابعد عن الشر وغني له الا في حاله واحده اذا انت قادر مادياً والمبلغ انت قادر على سداده ولن يؤثر عليك وصاحبك يستاهل فعلاً وفي حاجه فلامانع

[ملك روما]

مثل ماقال أخونا تميراوي الرياض ..أذا كان المبلغ مقدور عليه والرجل يستاهل ..لا بأس من المساعدة .
لكن الحذر والحرص واجب ..لأن الكفالة مشاكلها كثيرة هذه الأيام ..نظراً لظروف المعيشه الصعبه وغلا الأسعار بشكل عجيب !!

تحياتي وتقديري لك ..

[al-badr]

ان صار من ربع جعفر ابعد عنه وعطه المقسوم وقله الله يستر عليك

[الفوزان التميمي]

لا تكفل احد الا اذا انك مستعد للسداد اذا ما سدد

والا ابشر بالغرابيل والشكاوي

واحياناً يكون قادر على السداد

لكن لعانه ما يسدد

ولو كان حالته الماديه افضل منك

مايسدد ولا يرد على جوال وجحده

ما شفت طاش ما طاش

سو خير يجيك شر
هذ الكلام اصحيح
مثل مقال سو خير يجيك شر
وما اعتقد تتغير وجهك نظره لرفظت لئنه هذئ شي
احتمال يظرني ولا يظره
تقبل مروري