وش افضل اختراع

[هامة مضر]

بسم الله الرحمن الرحيم


هلا بالربع

حياكم الله
اليوم السالفه على افضل اختراع
كل يوم جديد
لدرجة ان الناس صارو اذا تقابلو ولو بعد ساعه من الافتراق
يقولون لبعض ( هاه وش فيه جديد)
كل شوي طالع جديد
اجهزه اخبار نجوم مناسبات اختراع وووووو
المهم انت جزء من هذا المجتمع
وش الجديد اللي اعجبك من الأختراعات والصناعات
حسب هواياتك
الأجهزه الألكترنيه الجوال الكميرات الكبيوتر القارمن لأهل الرحلات
البعض من اهل البر يقول القارمن والقدر الكاتم يوفر الوقت والكنود ووو
النساء مالذي اعجبهم في الأواني المنزليه من جديد وغير الأواني
الثلاجات حفظت الأكل وبردت لنا الماء
غسالات الملابس بدل الطشت واغسل باليدين
شايب يقول اللي صنع الزمزميه للجنّه
استرحنا من تسخين القهوه والشاهي
مليان السوق بالأختراعات والصناعات اللي كل يوم تزيد
النقاش سيكون عن افضل ثلاثه او اربعه حاجات اذا استعملتها تقول للي حولك الله يعافي اللي صنعها
بالترتيب
الأفضل ثم الذي يليه في الأفضليه
مع تبرير تفضيلك له

[قلب الاسد]

تبي الجديد حاليا تلقاه في النصر تعاقدات وصفقات مدويه .. هذا من جهة الأخبار ..!!
وتأتي المكيفات من ناحية الأجهزه في الطليعه .. فلولاها كان الأنفس اللحين خايسه .. !!
وأي جهاز فيه نفع للبشريه نقول للي إخترعها ماقصرت ورايتك بيضاء ..!!!

[هامة مضر]

تبي الجديد حاليا تلقاه في النصر تعاقدات وصفقات مدويه .. هذا من جهة الأخبار ..!!
وتأتي المكيفات من ناحية الأجهزه في الطليعه .. فلولاها كان الأنفس اللحين خايسه .. !!
وأي جهاز فيه نفع للبشريه نقول للي إخترعها ماقصرت ورايتك بيضاء ..!!!

انت وش اهم الأختراعات اللي تقتنيها وتهمك وتتابع تطوراتها شخصياً
يعني هل المكيف هو اهم هالأجهزه؟
وين الكميوتر الجوال الدش اللي خلاك تشوف
مباريات النصر
الساكتون اللي سهلت الصيد بدل النباطات والمفاقيس
واحد يحب الببسي ويقول لو اللي صانعه مسلم دعيت له
والولاعه لها فضل كبير
وشايب يرى ان افضل اختراع الناموسيه
يوم فكته من البق ونام مرتاح

وتحرص على شراء كل ما يستجد منها

[قلب الاسد]

شف انا مانيب من النوع اللي كل شوي جهاز .. ولو اقعد أطامر ورا كل جديد كان اللحين على الحديده .. !!
جوالي هوهو له سنتين معي ماغيرته .. واللاب توب حقي له تقريبا له 3 سنوات وشغال بدون مكافح فيروسات ومتعيجز أحمل البرناج حق المكافح .. !!
والتلفزيون شرهتك على اللي معطيه وجه .. !!

[ابو حمد]

هلا بالمضري وين الغيبات البارح او موجعك راسك عقب العزيمه :sm09: الموضوع جيد
وانا عندي الجهاز الي ريحني بالمره واعتقد انه اهم اختراع بالنسبه لي,,
الا وهو الريموت كنترول
بالريموت تتحكم في التلفزيون وانت جالس....منول قم يا فلان فر القناة فر الشاشه,,
بالريموت تتحكم في السياره تفتح الابواب وانت جالس,,
بالريموت تتحكم في المسجل في السياره,,
بالريموت تتحكم في باب المنزل تظغط الريموت وتدخل السياره... ودعنا بيبان الحديد ابو ثلاث ذرف

بالنسبه للاجهزه انا اتابع اخر المستجدات لاجهزة القارمن لفائدته الكبيره وهو الي لو انقلب راسك في البر واكتشفت انه ورا المرتبه قلت جعل الي صنعك يسلم,,
تحياتي

[ابوحلا11]

بصراحه احسن اختراع مفك الجبن يفك الصلصه تترتاح من كثر المفكات وش ضنك بنفكر نخترع اشتر وبس مافيه مجال السعودى يخترع لانه اذا فكر يفكر فى اختراع يمكن ينجح غيرها انس وشرايك نسيم وش بيخترع او انت وهاالبعير يدل على انك مفكر اومخترع حط كمبيوتر او لمبه اوتلفون ههههههههههههه مداعبه

[هامة مضر]

هلا بالمضري وين الغيبات البارح او موجعك راسك عقب العزيمه :sm09: الموضوع جيد

وانا عندي الجهاز الي ريحني بالمره واعتقد انه اهم اختراع بالنسبه لي,,
الا وهو الريموت كنترول
بالريموت تتحكم في التلفزيون وانت جالس....منول قم يا فلان فر القناة فر الشاشه,,
تحياتي


هلا بك

البارحه حاضر زواج بحايل

والله ان الريموت مريح

يوم كنا نتابع المسلسلات دوخة راس

كلما جت موسيقى قالو قومو اقصرو عليه

زودو علي

غثا لكن جا الريموت رحمه

طيب حنا نقول ثلاثه اواربعه اختراعات

وين الباقي ؟

[الحــر8100]

يعطيك العافية اخوي المضري انا اعجبني اختراع
العربيه اللي علي كهرب حقت كبار السن
فانا من هذا الصرح اقول بيض الله وجهة من اصنعها.

[هامة مضر]

بصراحه احسن اختراع مفك الجبن يفك الصلصه تترتاح من كثر المفكات وش ضنك بنفكر نخترع اشتر وبس مافيه مجال السعودى يخترع لانه اذا فكر يفكر فى اختراع يمكن ينجح غيرها انس وشرايك نسيم وش بيخترع او انت وهاالبعير يدل على انك مفكر اومخترع حط كمبيوتر او لمبه اوتلفون ههههههههههههه مداعبه

ابوحلا

حنا صنعنا شي واجد

واكثر اختراعاتنا حول الأكل

والكشته وادوات الرحلات

المهم انت وش اللي يعجبك من هالأجهزه

وش اللي تحرص انك تشتريه ؟

[هامة مضر]

يعطيك العافية اخوي المضري انا اعجبني اختراع
العربيه اللي علي كهرب حقت كبار السن
فانا من هذا الصرح اقول بيض الله وجهة من اصنعها.

هلا بالحر

الله العالم ان عندك شايب يستعمل العربيه وكان متعبك الين شريتو هالعربيه

المهم وش بعد العربيه

وش الأجهزه الاخرى

قلنا ثلاثه او اربعه

[نسيم]

ماش اليوم مافيها ثمرة ،والله لو نصنع قمبلة ذرية يالمضري ماجازت لك.حنا نفكر في سعة الصدر من انت عازم اليوم والعشا منهو عنده اليوم وبكرة معزومين عند فلان وياالله .ومن كلمك اليوم ههههههههههه

[هامة مضر]

ماش اليوم مافيها ثمرة ،والله لو نصنع قمبلة ذرية يالمضري ماجازت لك.حنا نفكر في سعة الصدر من انت عازم اليوم والعشا منهو عنده اليوم وبكرة معزومين عند فلان وياالله .ومن كلمك اليوم ههههههههههه

نسيم علينا هالكلام ؟؟

انت ابو الموضه والاهتمام بالتطور الصناعي

احدث الكميرات والجوالات عندك

يقولون ما يقعد معك الجوال ثلاثة اشهر

لو تكسره او تعطيه الطباخ حقك او السواق

[نسيم]

ماش اليوم مافيها ثمرة ،والله لو نصنع قمبلة ذرية يالمضري ماجازت لك.حنا نفكر في سعة الصدر من انت عازم اليوم والعشا منهو عنده اليوم وبكرة معزومين عند فلان وياالله .ومن كلمك اليوم ههههههههههه

نسيم علينا هالكلام ؟؟

انت ابو الموضه والاهتمام بالتطور الصناعي

احدث الكميرات والجوالات عندك

يقولون ما يقعد معك الجوال ثلاثة اشهر

لو تكسره او تعطيه الطباخ حقك او السواق
هذاك منول ،لكن اليوم من نشخص عشانه معد فيه احد!!!!!!!!!ولاعاد به احد نعطيه الناس شبعت يالمضري هذاك منول .

[المتميزة 26]

أفضل الاختراعات :

المكيفات

الجوال

الطائرات


طبعاً المكيفات لأن ديرتنا فرن وحر لا يطاق أنجانا الله من حر جهنم

الجوال لأنه يقرب البعيد ويحفظ الخصوصية

الطائرات لأنها تنقلنا من مكان لمكان بحثاً عن كل ماهو جديد وممتع

[هامة مضر]

هذاك منول ،لكن اليوم من نشخص عشانه معد فيه احد!!!!!!!!!ولاعاد به احد نعطيه الناس شبعت يالمضري هذاك منول

انت عندك ميزة التكيف مع الوقت وادارة ضروفك حسب المصالح
الموت انا وابوحلا
لكل زمان دولة ورجال
وانت رجل كل الأوقات بأسلوبك يالذيب

[نسيم]

اذا جاء الجد يالمضري والاختراع الجميل واللي حقيقة فتح لنا الابواب بدون استئذان (الانترنت).خلنا نستفيد من خبرات بعضنا البعض خلنا نسأل بدون رسمية .خلنا نتصارح خلنا وش اقول وش اخلي !!!!!!!!!!!

[ملك روما]

والله أنا أشوف أبرز الأختراعات ..الكمبيوتر ..الجوال ..القارمن ..الفاكس ..والأخير بالذات منذ كنت صغيراً وأنا اتأمل وأتفكر فيه جهاز عجيب ..!!

وأسمح لي أضيف أجهزة أتمنى صنعها وأختراعها ...مثل (( نتافة للدخل )) !!

[هامة مضر]

أفضل الاختراعات :

المكيفات

الجوال

الطائرات


طبعاً المكيفات لأن ديرتنا فرن وحر لا يطاق أنجانا الله من حر جهنم

الجوال لأنه يقرب البعيد ويحفظ الخصوصية

الطائرات لأنها تنقلنا من مكان لمكان بحثاً عن كل ماهو جديد وممتع


يا حبك للسفر والسياحه
لكن هالسنه ماكو سياحه
جاي رمضان بالنص
لا بالأول ولا بالآخر
لو كان الموضوع طرح بالشتا
ما جا للمكيف طاري
لكن ابن آدم
يعيش وقته
اشكر مشاركتك العطره

[المتميزة 26]

يا حبك للسفر والسياحه
لكن هالسنه ماكو سياحه
جاي رمضان بالنص
لا بالأول ولا بالآخر

أنت عطني إجازه وأنا اسافر ما عندي مشكله

بس آآخ رابطنا الدوام حتى برمضان

[هامة مضر]

اذا جاء الجد يالمضري والاختراع الجميل واللي حقيقة فتح لنا الابواب بدون استئذان (الانترنت).خلنا نستفيد من خبرات بعضنا البعض خلنا نسأل بدون رسمية .خلنا نتصارح خلنا وش اقول وش اخلي !!!!!!!!!!!

نسيم انا بيوم من الأيام قريت لك رد تتكلم عن المزرعه

يعني افضل اختراع يكون الغطاس

الأنترنت ما بعده شي

جالس تناقش هالعالم وام كلثوم شغاله

وسوالف وسعة صدر

وعلوم زينها زين وشينها خله لبليس

تصور هالحين تسولف مع اللي في الشرق والغرب

وانت حاط رجل على رجل بملابسك الداخليه

بلا رسميات ولا ارتباطات ولا مشاوير

نعمه من ربك

[هامة مضر]

والله أنا أشوف أبرز الأختراعات ..الكمبيوتر ..الجوال ..القارمن ..الفاكس ..والأخير بالذات منذ كنت صغيراً وأنا اتأمل وأتفكر فيه جهاز عجيب ..!!

وأسمح لي أضيف أجهزة أتمنى صنعها وأختراعها ...مثل (( نتافة للدخل )) !!

حلوه نتافة دخّل

يمكن يصلحونها اهل القصيم والزلفي

ان دورتها لقيتها

[ابو حمد]

وانت حاط رجل على رجل بملابسك الداخليه

بلا رسميات ولا ارتباطات ولا مشاوير

نعمه من ربك
غربل الله بليسك يا المضري تذكرت بشير غنيم في طاش يومه سواق الشيوخ وعليه ذيك الوزره
والفنيله العلاقيه ويرقص طربان هههههههههههههههههههههههههه
تخيلت نسيم مرسم بالعلاقي قدام الكيبورد :cold:

[هامة مضر]

غربل الله بليسك يا المضري تذكرت بشير غنيم في طاش يومه سواق الشيوخ وعليه ذيك الوزره

والفنيله العلاقيه ويرقص طربان هههههههههههههههههههههههههه
تخيلت نسيم مرسم بالعلاقي قدام الكيبورد :cold:


ههههههههههههه

حلوه سواق الشيوخ

نسيم غير اللي تتصوره

نسيم جنتل هاي هاي

منظم ومهندم على قولة المتميزه ريلاكس

للعمل لبس خاص وللجلسه والسمر لبس خاص

وللجلوس على النت لبس غير ومشروب سبشل انواع العصير

ويلبس للنوم روب

الله يخلف علينا ما عرفنا الروب من الزبادي الا لعام

وننام متلطمين وبثيابنا

[المتميزة 26]

جالس تناقش هالعالم وام كلثوم شغاله


الله يا الدنيا صرت تكتب اسم كلثوم كامل على خبري كنت تكتب كلث

منظم ومهندم على قولة المتميزه ريلاكس


منظم ومهندم = ريلاكس ماتجي يا مضري

[هامة مضر]

الله يا الدنيا صرت تكتب اسم كلثوم كامل على خبري كنت تكتب كلث



منظم ومهندم = ريلاكس ماتجي يا مضري




المتميزه
لك مقال سابق
كان رايك ان المجتمع يتقدم بسرعه
ومعرض للتغير للأحسن
وكانت قناعتي الى حد ما ليست تامه
والآن تأكدت من صحة كلامك
كنا فين وبئينا فين(ام كلثومين)
الله يذكر ذيك الأيام بالخير
كان قد حذف الموضوع وكتب تحته
تم التعديل بعد 45دقيقه

الا على الطاري
ريلاكس وش هي ؟

[رجال الرجاجيل]

اخوي المضري السلام عليكم :054: والله لكم وحشة
تو الجهاز يصلح ومن يوم زان وانا جاي على وجهي
لكم ! بالنسبة لموضوعك اشوف ان افضل اختراع
( الرادو ) وبس وماغيرة اختراع وش رايك يالمضري

رجال الرجــاجيل

[هامة مضر]

اخوي المضري السلام عليكم :054: والله لكم وحشة
تو الجهاز يصلح ومن يوم زان وانا جاي على وجهي
لكم ! بالنسبة لموضوعك اشوف ان افضل اختراع
( الرادو ) وبس وماغيرة اختراع وش رايك يالمضري

رجال الرجــاجيل

هلا رجال الرجاجيل

هذا المتوقع انت المفروض تضحي للي صنع الرادو

جهازك الأول والأخير

وش لون تستعمل الأنترنت رد بالرادو

[المتميزة 26]

نا فين وبئينا فين(ام كلثومين)
الله يذكر ذيك الأيام بالخير

ههههههههههههههههههه

الشعور بالأمان يقود دائماً للإبداع

الا على الطاري
ريلاكس وش هي ؟



ريلاكس = مروق هادىء ومرتاح

[هامة مضر]

[quote]الشعور بالأمان يقود دائماً للإبداع [/size]

نعم
نعم
نعم
نعم
نعم

هذه العبار تكتب في لافته وتنصب على احد الشوارع
ويكتب اسفلها

المتميزه

[تميراوي وبس]

افضل اختراع مقص الظفور او المقراط مثل مايقولون ابناء البادية لانه الوحيد اللي ما تغير ولا تطور

[al-badr]

وش رايكم في ذا الاختراع


مليون دولار زمباوي =17 ريال تقريبا


يعني اذا بتروح تتعشى في مطعم فخم يبي لك تشيل خيشة فلوس عشان تدفع لهم


وللمعلومية الدفع عن طريق البطاقة ممنوع يعني لازم تشيل خياش معك


http://www.halauae.com/uploads/1850f253d9.bmp (http://www.halauae.com/)


كل الشعب بليونيرات ومع ذلك كلهم فقراء

الورقة الواحدة بخمس مئة مليون



http://www.halauae.com/uploads/1c48d51494.bmp (http://www.halauae.com/)


كيس أكل مجفف بخمسين مليون


http://www.halauae.com/uploads/9f0b50ed6c.bmp (http://www.halauae.com/)

صرة الخس ... خمسة مليون


http://www.halauae.com/uploads/bf6248f8f5.bmp (http://www.halauae.com/)

طبق بيض ستة بليون

http://www.halauae.com/uploads/56cc930afe.bmp (http://www.halauae.com/)

قحشة ملايين عشان دجاجة


http://www.halauae.com/uploads/df8d33910f.bmp (http://www.halauae.com/)

الحساب حق العشاء

http://www.halauae.com/uploads/63a94ea709.bmp (http://www.halauae.com/)



موظف يستلم الراتب

http://www.halauae.com/uploads/174147372e.bmp (http://www.halauae.com/)

أصغر (وأطفر) مليونير

http://www.halauae.com/uploads/2b4bbd6e5e.bmp (http://www.halauae.com/)
دولار واحد يساوي ها الربطات.....


http://www.halauae.com/uploads/9fb5d3e0e1.bmp (http://www.halauae.com/)

مواطن رايح للسوق


http://www.halauae.com/uploads/2a951aaa8c.bmp (http://www.halauae.com/)

[ابوحلا11]

تبى تنخترع شى يفيد البطن ابشر غيرها يخلف الله فيه شى ملبس شماغ هذا تفكيرنا

[سعود]

افضل الاختراعات
الجوال ....

السياره ....

مكينه الصراف ....

[ولد الديرة]

البنج

البلاستيشن

منقاش

[تحدوهـ البشر]

موضوعك مميز يالمضري وللاسف مالحقت علية من اول بس ماصار شي خخخخخخخخ

بالنسبة للاختراعات

الاول هو غلاية الماء خخخخخخخخ تفك ازمات

الثانية اللابتوب يريح بدل الحراثة خخخخخخخخ

الثالث الدريم بوكس ريحنا من الاشتراكات وخسايرها

الرابع منتدى تميراوي لاننا كسبنا الوجيه الزينة شرواك ومن يشوف خخخخخخ