تمور تمير [الأرشيف]

مشاهدة النسخة كاملة : تمور تمير

هامة مضر

11-08-2009, 12:02 AM

هلا بكم

من يجي السوق هاليومين ماشاء الله تبارك الله

التمر اشكال والوان

ما تدري وش تاكل

مجلي - دخيني - مفقزي والغريب ان هذا اسمه بتمير بس الآخرين يسمونه مقفزي

الروتانا على راي الحجازيين -الروثانه

والبرحي وغيره يجي بعدين السلج والمجانين والحلى والخضري والصقعي والأدهمي والنبوت واجد

المهم اشكال وانواع ويا نفس وش تشتهين

المشكله انه ينتهي الموسم بسرعه ونرجع للمكنوز

كنا في احدى البلدان العربيه قبل اسبوع

وكنت ماخذ معي حافظه كبيره مليانه خراف مجلي ودخيني ومفقزي وثلج طبعاً

ورحنا زياره لأحد الأصدقاء وباقي معنى شوي تمر على آخر الرحله

ويوم جينا عندهم جبنا علبه من التمر

وما تصدقون كيف كان اقبالهم على التمر

كل الأسره جو على العلبه وقرشوها في شوي

وجبنا ثانيه ومثل قالو بها

ما تصورت حبهم للتمر بها الشكل بالرغم من وجود انواع من الفواكه الطازجه في مزرعتهم

وبالرغم من ان التمر مع الوقت والبطا لم يكن بحالته حينما كان طازج

قلت سبحان الله صحيح المثل اللي يقول ( العود في ارضه نوع من الحطب )

العود البخور يقولون انه في البلدان اللي يجي منها يستخدم مثل الحطب وهو يباع هنا بالأوقيه

كذلك التمر ( الخراف ) في الشام تركو الفواكه الطازجه وطاحو بالتمر- اللي عندنا محد يحرص عليه كما نحرص على الفاكهه

وش رايكم وما افضل انواع الرطب لديكم ؟

انا بالنسبه لي المقفزي لا يعلى عليه

شكراً

ابو حمد

11-08-2009, 12:13 AM

اجل قرشو التمر كله الاشوااام
التمر اول ما يطيح نتناهبه مناهب بس عقب ما يكثر في السوق يبدا الاشتياق والحرص له يقل ما عدا في رمضان
وقت الفطور الواحد يصير زي الي يفرغ له فشق من اثمه ماشاء الله,,
انا احب ما عندي البرحيه تاكلها وهي بسره تاكلها وهي رطبه في كل الاحوال تؤكل وطعمها رائع
اما الكنيز فلا يعلى على الخضري وعلى قولتهم ميت الخضري شهيد.. ايضا السكري له مذاق خاص اذا تم كنزه
بطريقه جيده واخترت النوع الجيد منه,,
الله يرحم من كان يهدينا من كنيزهم من السكري ويسكنهم الجنه ان شاء الله,,
بس ابي اسئلك يا القدييييم بالله ازين شي عندك المفقزي؟؟ وش هالمزاج وهالذائقه الي عندك ههههههه

قلب الاسد

11-08-2009, 12:32 AM

ذكرتني بواحد من الجنوب فرحان وجايب لنا من خراف نخل الجنوب ..
يسمونه الصفري .. قلت له اقول تمرك هذا ماتاكله البهايم ليتك جايب بداله حلاو توفي ابرك ..!!
ومره من المرات معنا واحد حجازي جالسين نتقهوى وحطينا قدوعنا تمر دخيني ..
وسالناه وش رايك بالدخيني قال مين هو الدخيني يحسبه اسم عائله ..!!

ملك روما

11-08-2009, 12:37 AM

أتفق مع أخي تميراوي ..البرحي مذاقه لا يعلى عليه ..ومن أفضل أنواع التمور ..بس ماعلمتنا القهوة تحبها مسمار ولا هيل ؟؟

رجال الرجاجيل

11-08-2009, 08:51 AM

والله يالمضري دايم مواضيعك جذابة وجميلة
بس ترى حرب الحدود ماخلصت ( هدنة مؤقتة )لاتنسى ؟؟
اما بالنسبة افضل شيئ عندي ( سلج العيش)
تاتقول لماذا؟؟
اولاً / لان لــونه اصفر وانت خابر معزة اللون الاصفر عندك 0
ثانياً / في الكنيز يعتبر من افضل الانواع ماتفرقة عن اخلاص الحسا0
ثالثا / بعدين مايجي في اول الخراف يتأخر وهذة تراها ميزة طيبة 0
رابعاً /ان المكسور او المجبر مايكل الا من تمر السلج 0

اخوك رجال الرجاجيــــــــــل

تميراوي وبس

11-08-2009, 09:40 AM

انا احب المجلي لا نه يجلي الهموم

هامة مضر

11-08-2009, 12:47 PM

يقولون - لاكثر الخير قلت رعيته

يعني لا تجد من يرعاه

والتمر يوم كثر بحلنا وش نختار منه

يوم حنا صغار كنا نجلس تحت الأثله اللي عند قريو نفوان من صبح الله قبل تطلع الشمس
وبعد طلوع الشمس وزياده شوي يجون اللي رايحين من الفجر يخرفون النخل في الغريزيه او الشمالي او ركية الزيد يجون للديره على حمير ونلاقيهم وحن صغار واذا وصلونا وقف الحمار ونزل المخرف لين نطوله وناخذ منه على وحده ثم يرفعه ويمشي وننتظر اللي بعده
وبعضهم يحط على التمر شوي عشب اخضر يحمى التمر واذا وصل البيت يحط العشب للأرانب

ولم تكن التمور متعددة الأنواع وكان الشائع المفقزي والدخيني
لذلك عشقت المفقزي من صغري الى اليوم

المتميزة 26

11-08-2009, 04:56 PM

هامة مضر

12-08-2009, 12:36 AM

أتفق مع أخي تميراوي ..البرحي مذاقه لا يعلى عليه ..ومن أفضل أنواع التمور ..بس ماعلمتنا القهوة تحبها مسمار ولا هيل ؟؟

ما من حرص على القهوه

هيل والا مسمار

كلها واحد ولو معها ثلج

لست ممن يفقدون القهوه

ان جت زين وان راحت ابرك

هامة مضر

12-08-2009, 12:45 AM

أتفق مع أخي تميراوي ..البرحي مذاقه لا يعلى عليه ..ومن أفضل أنواع التمور ..بس ماعلمتنا القهوة تحبها مسمار ولا هيل ؟؟

القهوه صارت انواع وما من حرص عليها

قهوه هيل مسمار شعير وبالشكليته

وقهوه بالثلج

ولست ممن يفقدونها

ان جت زين وان ماجت ابرك

هامة مضر

12-08-2009, 12:47 AM

انا احب المجلي لا نه يجلي الهموم

باين الهم على عصافيرك اللي على الشبك

واللي يهز رجليه مقطع قلبه الهم

هامة مضر

12-08-2009, 12:53 AM

يم يم موضوع يشهي

الرطب من التمر كله زين

والمشكلة ما اعرف اسامي التمر

فيه نوع مدور ولونه ذهبي وطعمه حلو

وفيه نوع يجي آخر موسم الرطب يكون حجم التمر كبير شوي ولونه شوكليت على ذهبي

وطعمه مثل التوفي <<<< بس مدري شسمه يمكن عسليه او رشوديه والله مدري

المتميزه

عليك وصف ودعايه رهيبه

شوكليت على ذهبي ومثل التوفي

يا حظ اللي تمدحينه

عندك موهبه لتصميم اعلانات تجاريه

قلب الاسد

12-08-2009, 01:29 AM

دام السواليف عن التمر وش أحسن طريقه لكنز التمر ويخليه مدبس كن فيه حبيبات سكر ..!!

هامة مضر

12-08-2009, 01:41 AM

دام السواليف عن التمر وش أحسن طريقه لكنز التمر ويخليه مدبس كن فيه حبيبات سكر ..!!

التمر اللي يجي فيه حبيبات دبس يابسه شوي

يسمونه مجروش

لأن الدبس يصير مثل حبات الجريش

والخضري اذا جروش ما فيه احسن منه

العام الماضي رحت اجيبه من ساجر

وكان روعه روعه

بس الطريقه ما افيدك فيها

ما كلن يعرف لها

واقترح عليك توجه السؤال للمتميزه

يمكن تفيدك بالطريقه

قلب الاسد

12-08-2009, 01:51 AM

يابن الحلال المتميزه من النوع اللي تاكل التمر وفي وسطه لوز ومرشوش بسمسم .. وماأظن ان لها في شغلات الدبس .. !!

ولد الديرة

12-08-2009, 11:57 AM

تمر الحلى( الحلوه) وغيره لا تدور آآآآآآبس

سعود

12-08-2009, 12:40 PM

موضوع حلو ...

انا احب تمر المجلي ,,,والجفير

هامة مضر

12-08-2009, 12:48 PM

موضوع حلو ...

انا احب تمر المجلي ,,,والجفير

هلا سعود

وانت احلا

المجلي تمر

الجفير وش يصير ؟

سعود

12-08-2009, 01:10 PM

هلا سعود

وانت احلا

المجلي تمر

الجفير وش يصير ؟

هذا الله يسلمك رباص خوص ....ههههههههه تمر أحمر اللون صغير الحجم سير تقهوى عندي وتشوفه

هامة مضر

12-08-2009, 01:25 PM

هذا الله يسلمك رباص خوص ....ههههههههه تمر أحمر اللون صغير الحجم سير تقهوى عندي وتشوفه

الله يقويك

لكن الجيه للخالديه هاليومين وبعد الأحداث السابقه

لم تعد سهله

صرت اجي بخفيه ولولا الهدنه ما جيت

المهم الجفير - ما نعرف الا جفير مغامس بالقرب من المعشش

وجفر السلطاني في الجنوبي

المتميزة 26

12-08-2009, 05:58 PM

يابن الحلال المتميزه من النوع اللي تاكل التمر وفي وسطه لوز ومرشوش بسمسم .. وماأظن ان لها في شغلات الدبس .. !!

هيه قلب الأسد شفيك

ترا انا بنت الديرة واعجبك

بس المشكلة التمر يتشابه و الاسماء مختلفة !!

يا بوي كله تمر سواء السادة وإلا المحشي باللوز او السمسم او الطحينه .. يم يم

تحدوهـ البشر

15-08-2009, 08:10 PM

على كم الرطب ياراعي المعشش هههههههههههه

احسن شي الخضري وحدة تكفيك اسبوع

الفوزان التميمي

27-08-2009, 04:28 AM

والله انك صادق يا المضري معاد فيه اقهوئ مثل قبل بس اشكوئ لله

هامة مضر

29-08-2009, 03:44 AM

الفوزان التميمي

وتحدوه البشر

يوم الأحد 9\9

ابا اترك لكم خراف في البقاله اللي مقابله جامع الديره

تجون للهندي اللي يبيع في البقاله وتاخذونها منه هديه

من بعد العصر يوم الأحد

وكل واحد يقول له المعرف حقه وياخذ تمره

ملك روما

29-08-2009, 04:01 AM

تحدوهـ البشر

29-08-2009, 11:00 AM

اقول انا احول الخراف لملك روما هههههههههههههههه انا ماكل الا سكري ومن العريني هههههه

هامة مضر

29-08-2009, 11:50 PM

اقول انا احول الخراف لملك روما هههههههههههههههه انا ماكل الا سكري ومن العريني هههههه

المهم التمر ابا احطه عند البقاله بكره من المسجد العصر

وابا اروح

لا تظنون اني ابا احاول اعرفكم

وان بغيتو روحو احد ياخذه لكم

تحدوه انت والفوزان لا تأخرون

والا ابا اعطيه الصعايده اللي ساكنين بالزاويه

وهو حسافه عليهم لأنه منقى ومتعوب عليه

تحدوهـ البشر

30-08-2009, 07:14 PM

المهم التمر ابا احطه عند البقاله بكره من المسجد العصر

وابا اروح

لا تظنون اني ابا احاول اعرفكم

وان بغيتو روحو احد ياخذه لكم

تحدوه انت والفوزان لا تأخرون

والا ابا اعطيه الصعايده اللي ساكنين بالزاويه

وهو حسافه عليهم لأنه منقى ومتعوب عليه

ماتقصر يالغالي واعتبر التمر وصل وكلت منه هههههههه بس مثلك عارف انا بالرياض وصعب اطق مشوار عشان سطل كان الدعوة عشرين سطل دقيت سلف الحين

واذا القصد بتعرفني هههههههه شكلك معسكر بالمعشش ترقب البقالة

يابعد اهل تمير انت :hi::41daf94b94:

ملك روما

01-09-2009, 05:33 AM

بس مثلك عارف انا بالرياض وصعب اطق مشوار عشان سطل

قال هاك خير ..قال ما معي ماعون !!

خذناه وقضينا ..بس والله يا هو سافط لك سطل مجنون مدري سلج يحبه قلبك :sm68:

تحدوهـ البشر

01-09-2009, 05:47 AM

بالعافية على قلبك ملك روما والمضري مايجي منة الا الطيب