التوت

[هامة مضر]

التوت ورمضان
ارتبط رمضان بالتوت- -والتوت لم يرتبط برمضان
هليام شايف ناس يشربون توت قبل يجي رمضان
والصحف حاميه تنشر اعلانات عن التوت واسعاره والتنزيلات عليه
وش الحكاية ؟-وهل الدول الأخرى ارتبط فيها رمضان بالتوت والا بس عندنا ؟
اهل مصر عندهم الفوانيس ترمز لرمضان وجده كذلك
ومنول فيه برنامج فوانيس رمضان وام حديجان
المهم جت مشاريب وراحت مشاريب والتوت لا زال صامداً
كان هناك ثلاثي لا يرى الا في رمضان
الشوربه - والتوت - والمكرونه
ولم يكن كبار السن يحرصون عليهن
بل يعوضون التوت بالبقل المربص بالماء ومعه شوي سكر
والشوربه يستخدمون فيها حبات الجريش بدل الكويكر
اما المكرونه فهي منكره وغير مقبوله ولا ياكلها الا الأجناب اللي ما يستحون
وقد يوجد منهم من لايقبل شرب التوت الى اليوم ويكتفي باللبن الطبيعي
ويقولون عن التوت انه لم يكن معروف وبالتالي شربه بدعه

تقدمنا رمضانياً شيئاً فشيء الى ان اعتمد هذا العام المرصد الجوي لرؤيه هلال الشهر بعد ان كان محرماً وبدعه
كذلك توفرت الأغذيه بأنواعها سمبوسه وفطاير والعصيرات انواع ليمون وبرتكان ومشكل وكوكتيل
(الحريم اذا جاعن سون الهوايل)
الله يالدنيا وشلون كانو الناس يصومون والفطور اليومي تمر-لبن - بقل مدقوق ومخلوط بمويه وسكر وبعد صلاة المغرب عشا مرقوق او جريش او قرصان واللي يبقى منها للسحور
وبعد صلاة العشاءوالتراويح على السراج ثم نومه الى قبل الفجر
وفيه من الشباب الدشير اللي يسهرون الى 9.30 الله يكافي ما يخافون من ربهم
وكانت ثلاثة مساجد العاير والجامع(الديره) والمراجيم فقط
وبينهم تحدي من يسبق في القرآن ويختم الأول
وكان العاير معروف يسبق دايم
وكل يوم ينشدون بعضهم الشيبان هاه وين وصلتو البارح ؟
حنا خلصناالجزو الخامس
ويقول الثاني لاااا حنا تونا في ياسين
مطوعنا يمشي على جنبه !!
كانو يختمون المصحف ثلاث مرات في التراويح والقيام
قراءة القرآن على اشدها في رمضان من الجميع
في كل مكان المساجد وضل الأثل وضلة الجدران واماكن الجلوس واطراف المزارع تحت النخيل
حيث لا كهرباء وبالتالي لا تلفزيون ولا سوني ولا كرتون
ام حديجان فقط بالرادو ويجي على الرادو تجمع للمتابعه
واللي ما عندهم رادو الله يعين عليه نعيد له القصه من اولها للآخر ونقلد اصواتهم احياناً
ويجي للعجايز مواويل على القصه وام حديجان البارح وش سوت وش قال لها ابو حديجان
واللي ما يصوم من الصغار ياكل باقي السحور اذا قام الصبح (غبيب)بارد
ويقضي باقي النهار على تمر ولبن وقرص ناشف
وين هالحين الثلاجات مليانه وش يشتهي بس ؟
واللي بفطر ينتشر خبره عند اهل الديره وتصير وصمة عار انه افطر
واهل العاير اكثر تديناً اذا لا يوجد بينهم من يفطرمن الصغار
بينما السليل والديره والمراجيم فيلاحظ وجود الكثير من الصغار لا يصومون الشهر كاملاً

المهم كلها ايام قلائل وتشوفون خشش البزور حمر من التوت
وكل عام وانتم مع التوت

[المتميزة 26]

هامضة مضر مواضيعك تشهي

التوت فعلاً مرتبط برمضان أكثر من أي وقت آخر

وخاصة عندنا - ومثل عرق السوس في الشام - وقمر الدين في مصر

والسوبيا في الحجاز


ومع ظهور العصائر واختلاف انواعها الطازج وغير الطازج ألا أن التوت له مكانته

على مائدة رمضان مهما تغير الوقت ..

ومن التوت ايضاً يصنع البعض آيسكريم في اكياس وهو مميز عند الأطفال

[ملك روما]

التوت ..وما ادراك مالتوت ؟

هذا المشروب الرمضاني الشهير ...تسمونه في العزيزية ..فنتــو .

وترى قليل اللي يظبطونه...مع انه مويه وسكر بس ..وحلاته اذا كان باااارد زيادة ...يقولون سعر العبوة 8 ريال ..

يازين ايام زمان ..كلها براءه ..وقلوب صافيه ..تسلم والله على هاللمحه الجميله للماضي ..في رمضان .

تحياتي وتقديري

[قلب الاسد]

توني شاري غرشتين من العثيم بـ 5 ريال مع الناس .. والظاهر هالمره أبحطه في أكياس وأخليه أيسكريم أبرك .. !!
اذكر جانا وقت نغط الصامولي و خبز المفرود في التوت .. !!
بيني وبينكم جاني تشبع منه من طلعت على الدنيا وحنا ماانعرف غير هالتوت ولايهون السن كويك .. وصار من تالي يسبب لي حرقان .. يعني ماهنا ذاك الحرص .. !!

[تحدوهـ البشر]

الله عليك يالمضري انت والمواضيع الي تفتح النفس

بروح اجيب لي توت نضبط الوزنية قبل الرمضان ههههههههههههه

ملك روما اجل العزيزية يسمونة فيمتو هههههههههههه

[سم الحنش]

التوت يروى العطشان بعد الصيام ويا حلوه اذا صار في سطل غضار كبير
أكيف عليه وغضاره صغيره تغرف بها توت
http://www.wzz6.com/uploads/thumbs/wzz6-com-e61c75d7df.jpg (http://www.wzz6.com/uploads/images/wzz6-com-e61c75d7df.jpg)

[هامة مضر]

ملك روما;81570]


التوت ..وما ادراك مالتوت ؟
هذا المشروب الرمضاني الشهير ...تسمونه في العزيزية ..فنتــو .
وترى قليل اللي يظبطونه...مع انه مويه وسكر بس ..وحلاته اذا كان باااارد زيادة ...يقولون سعر العبوة 8 ريال ..


الله يالدنيا حنا نسميه فنتو ؟؟؟

نسيتو يومكم تعبون في باغات وتجمدونه وتسمونه عكسرين ؟

[تميراوي وبس]

ابجرب هالسنه اثلج لي كم باغه ولو اني عارف اني ابشربها قبل تجمد من العجله

[ابوحلا11]

التوت التوت والله خابرينه ياالمضرى ياحلو الشفايف بعد شرب التوت لوانها شينه بس محليها التوت والتوت التوت عندك انت ونسيم لغز ابحله واجى مدرعم عليكم وش رايك

[هامة مضر]

التوت التوت والله خابرينه ياالمضرى ياحلو الشفايف بعد شرب التوت لوانها شينه بس محليها التوت والتوت التوت عندك انت ونسيم لغز ابحله واجى مدرعم عليكم وش رايك

هلا ابو حلا

وين الناس غايب ولك مده ؟

وين نسيم هو جا من اوربا والا بيصوم هناك ؟

[ابوحلا11]

اخبارك انت من قدك ماتكلم غير المتميزه وطاح كرت نسيم عند المتميزه ونسيم ابشرك جاء وعلا طول دخل دخل تبيه الفجر فى العرمه ياحلو التو ت يالمضرى خاصه البارد والتوتيان اللى فى بالك خابره

[رجال الرجاجيل]

التوت اه يا التوت يالمضري
منول نصوم عشان التوت
وعلى قولة اخوي سم الحنش
الي منة جاء في سطل كبير
وغظارة معدن وثمين جاك بارد

[أبومشعل]

الناس تسوي بروفات الان قبل رمضــــــان على التوت وغيرهـ

والتوت بالنسبه لي مرتبط صراحه برمــضان
لأن له نكهه خـاصه في هذا الشهر الفضيل

يعطيك العافيه ع الموضوع

وكل سنه وانت طيب

[ıı иoọoи]

بالبقل المربص بالماء ومعه شوي سكر

8
8
8
مادققت إلا في هذي ووه وش طعمه؟؟؟
سبدي تقلب

التوت اشربه واحرص عليه اول ايام رمضان وبعدين عادي
موجود او موموجود
بس مايحس الواحد بطعمه إلا برمضان
من يوم اانا صغار وتعودنا نشربه برمضاان

يعطيك العافيه..

لانحرمنا من جديدك

[الفوزان التميمي]

اي موضيع للمضري مااقرها ونا صايم >>>>>>>>>>>>اخاف افطر ههههههههههههههههههه

[قلب الاسد]

http://www.alwatan.com.sa/news/images/newsimages/3248/caricature/cccccccccccc0.jpg

اليوم ابشرك ياهامة مضر شذيت عن القاعده ..
و تهورت وشريت (( سوبيا )) .. لونها أحمر .. سألت اللي يبعها قلت فيها سكر على نياتي ..
قال نستخدم فيها الزبيب .. قلت في نفسي الله يستر الظاهر انها خمره .. وخذت لي باغه بعشرة اريل
خلنا نجرب هالسوبيا اللي يقولون عنها .. وطاحت في كبدي.. اللي في البيت كني جايب لهم سم عافوه مابغوه .. !!!

[هامة مضر]

]بالبقل المربص بالماء ومعه شوي سكر
8
8
8

مادققت إلا في هذي ووه وش طعمه؟؟؟
سبدي تقلب


لأنكم لاقين انواع العصيرات
والا منول البقل بالماء والسكر يعتبر شربات

[تحدوهـ البشر]

اقول التوت بينعدم من الاسواق لحق نفسك يالمضري يحلفون سعرة بيطق العشرة هههههههه

[هامة مضر]

[
quote=قلب الاسد;85316]http://www.alwatan.com.sa/news/images/newsimages/3248/caricature/cccccccccccc0.jpg

اليوم ابشرك ياهامة مضر شذيت عن القاعده ..
و تهورت وشريت (( سوبيا )) .. لونها أحمر .. سألت اللي يبعها قلت فيها سكر على نياتي ..
قال نستخدم فيها الزبيب


ما تشربها الحمير

شعير مطحون ومربص

ويحطون عليه الوان

مره برمضان بجده لقيتهم زحمه وهواش عند سياره

وقلت اكيد انها زينه والا ما تزاحمو عليها بهالشكل

المهم اني زاحمت وخذت ثنتين

ورحت للربع عند البحر كني جايبن ام قنيزع اللي يقولون

احتريه يذن

وعلى طول مع التمره كاس صوبيا

الله لا يعيدها ولا من باعها ومن شراها

وانا احذفها في البحر والكيسه الثانيه معها

مكروووووووهه

حلو الكريكاتير

انت وينك من مده ؟

[عزام الخريف]

يازين سوالفك يالمضري
اثرك من الاولين يالمضري جبت علوم الديره منول كلها
تصدق اني لاحق على البقل المربص
واذكر ان التوت في غضاره كبيره وكل واحد معه كاس بليتين
ويغرف ويشرب ولاتدقق في الاصابع ثلاثة ارباعها في الغضاره
وتقوطر 00
اذكر معنا واحد يوم سجد يصلي المغرب بغى يحول مع اثمه
من كثر التوت اللي شربه 0 يقول اني قمت من السجده قبل الامام 00

[تحدوهـ البشر]

ههههههههههه اقول الله يكرم النعمة بس

عزام المضري مسكين اول رمضان يشرب التوت بالبيالة عشان مايذبحة ويسبب له متاعب بالبطن

[هامة مضر]

يازين سوالفك يالمضري
اثرك من الاولين يالمضري جبت علوم الديره منول كلها
تصدق اني لاحق على البقل المربص
واذكر ان التوت في غضاره كبيره وكل واحد معه كاس بليتين
ويغرف ويشرب ولاتدقق في الاصابع ثلاثة ارباعها في الغضاره
وتقوطر 00
اذكر معنا واحد يوم سجد يصلي المغرب بغى يحول مع اثمه
من كثر التوت اللي شربه 0 يقول اني قمت من السجده قبل الامام 00



هلا بك شاعرنا

علوم منول كلها عندي

وبكره ان شاء الله بجيب لك سالفة اللي نام بخلوة مسجد الديره 12ساعه

[الفوزان التميمي]

الله يستر يا المضري من التوت
المضري صوت ولالا للنصر

[هادي]

ويبقى التوت توت
مهما داااااااااااارت السنين
وما غير التوت شي
تراااه ما ينحز البطن



سلام

[قلب الاسد]

انت وينك من مده ؟


موجود معكم .. وتعرف الواحد يالله يفضى .. !!
وبالنسبه للسوبيا أنا ذقتها .. مهيب شينه .. بس ريحتها دارسين ..
بس يقولون حدها ثلاثة أيام .. يمكن انك شاريها عقب ماتخمرت ..!!

[هامة مضر]

كانت الديره بلا كهرباء
والصوم في الصيف فيه مشقه
لم يكن الناس بهذا الفراغ
كان الجميع يعمل وهم صايمين
لا يوجد كهرب وبالتالي لا مكيفات ولا حتى مراوح
وكان الناس ينامون في خلوة المسجد
والخلوه هي الدور اللي تحت الأرضي في المساجد
وتكون بارده لأأنها من الطين واللبن وتحت المسجد فلا تصلها الحراره
يقول ابراهيم --بعد صلاة الفجر رحت للخلوه انا وبعض اللي ما لهم شغل
وكنا تعبانين من السهر
وخلوة جامع الديره مفروشه رمل ولها بابين واحد شمالي والآخر جنوبي
والشمالي يجي معه هواً يرد الروح
المهم يقول ابراهيم نمنا نومه على كيفك
وربعي قامو للصلاة وانا نايم
ولا توقضت ابداً
الى ان رفعت راسي وايلا النور من الباب خفيف ما فيه شمس
وقلت لنفسي زييييين ما بعد طلعت الشمس تونا
والحقيقه ان الشمس غايبه وانا احسبه الصبح
وواصلت النوم
اثر اهلي والربع قالبين الدنيا ما يدرون ويني فيه
ولا في الخلوه نور
يجون ويصوتون وانا نايم ما اسمعهم
الى ان جو الناس لصلاة العشاء
قال واحد انا شايف ابراهيم الظهر نايم في ربعة الخلوه(الزاويه)
وجابو سراج ومعهم امي ويوم شافتني فرحت وخمتني وانا نايم
وتروعت بسم الله وش فيكم قالو ندورك ما ندري وينك فيه
الحمد لله يوم لقيناك
ما بقي الا ندورك في القلبان( الآبار)
ولا افطرت الا بعد العشاء
عقبها صارو كل ما ابطيت عليهم ونشدو عني قالو الشيبان
دوروه في الخلوه

[تحدوهـ البشر]

القصة مرت علي من قبل ومشكور يالمضري على التذكير بها لما فيها من عبرة وفائدة
تفزعو الجماعة كلهم للبحث عن الشخص حول تمير وضواحيها كانت قلوبهم على بعض

الف شكر يالمضري وبنتظار الجديد

[ملك روما]

كانت الديره بلا كهرباء
والصوم في الصيف فيه مشقه
لم يكن الناس بهذا الفراغ
كان الجميع يعمل وهم صايمين
لا يوجد كهرب وبالتالي لا مكيفات ولا حتى مراوح
وكان الناس ينامون في خلوة المسجد
والخلوه هي الدور اللي تحت الأرضي في المساجد
وتكون بارده لأأنها من الطين واللبن وتحت المسجد فلا تصلها الحراره
يقول ابراهيم --بعد صلاة الفجر رحت للخلوه انا وبعض اللي ما لهم شغل
وكنا تعبانين من السهر
وخلوة جامع الديره مفروشه رمل ولها بابين واحد شمالي والآخر جنوبي
والشمالي يجي معه هواً يرد الروح
المهم يقول ابراهيم نمنا نومه على كيفك
وربعي قامو للصلاة وانا نايم
ولا توقضت ابداً
الى ان رفعت راسي وايلا النور من الباب خفيف ما فيه شمس
وقلت لنفسي زييييين ما بعد طلعت الشمس تونا
والحقيقه ان الشمس غايبه وانا احسبه الصبح
وواصلت النوم
اثر اهلي والربع قالبين الدنيا ما يدرون ويني فيه
ولا في الخلوه نور
يجون ويصوتون وانا نايم ما اسمعهم
الى ان جو الناس لصلاة العشاء
قال واحد انا شايف ابراهيم الظهر نايم في ربعة الخلوه(الزاويه)
وجابو سراج ومعهم امي ويوم شافتني فرحت وخمتني وانا نايم
وتروعت بسم الله وش فيكم قالو ندورك ما ندري وينك فيه
الحمد لله يوم لقيناك
ما بقي الا ندورك في القلبان( الآبار)
ولا افطرت الا بعد العشاء
عقبها صارو كل ما ابطيت عليهم ونشدو عني قالو الشيبان
دوروه في الخلوه

الله لا يخلينا من هالسوالف ..يالمضري .
ما شاءالله عليك حافظ قصص وسوالف الاولين ولو يعرفون فتحوا لك ساحة للماضي جعلك تبطي حي .