المساعد الشخصي الرقمي

مشاهدة النسخة كاملة : هامة مضر تعال كمل الموضوع

المتميزة 26
16-08-2009, 03:18 PM
هامة مضر ولا عليك أمر

كمل الموضوع بغيب يومين وأرجع


تقول خالتي صيته :

مــر رجل جائع على آخر يأكل

فقال الجائع : سلام عليك يا متغدي

فرد الآخر : سلام عليك يا متعدي

فقال : أبوي وأبوك أخوان

فرد : الله يرحم ذولاك الشيبان
ابوحلا11
17-08-2009, 02:24 PM
ياحظ المضرى تعال ومره توت وسوالف مافيه مجال نشارك ونجيب نسيم يشارك او الموضوع خاص فيه مصطلحات تحتاج ترجمه من المضرى
هامة مضر
18-08-2009, 11:17 AM
هامة مضر ولا عليك أمر

كمل الموضوع بغيب يومين وأرجع


تقول خالتي صيته :

مــر رجل جائع على آخر يأكل

فقال الجائع : سلام عليك يا متغدي

فرد الآخر : سلام عليك يا متعدي

فقال : أبوي وأبوك أخوان

فرد : الله يرحم ذولاك الشيبان

الجائع - اشوف لحم عزال !
الآخر- لاتكثر الجدال
الجائع -انا جوعان يابن الحلال
الآخر- لحم الغزال اصعب عليك من طلوع الجبال
الجائع - كن ودك تصرّفني ؟
الآخر- لأنك ما تعرفني
الجائع - لا بد من عرفك على مر الأيام
الآخر-يمكن في الأحلام
الجائع - لابد من حيله
الآخر- الفرص قليله
الجائع - الدنيا واسعه والأرض شاسعه
الآخر- رح لا يردك الا السماء التاسعه
الجائع-لكن السموات سبع
الآخر- لو كانت تسع كنا ربع
الجائع- الرزق على الله
الآخر- لكن وين تلقا هالطله
الجائع- الغزلان ماليه المفالي
الآخر-لكنها تبي تعب يالغالي
الا اذا كنت مهتوي
الجائع- مهتوي واقطع المستوي
الآخر-على التعب وش يحدك خذ هالقطعة المشويه تسدك
الجائع - ما شاء الله لحم الغزال غير
الآخر - لأنك تعودت على لحم الدجاج اللي مافيه خير
الجائع - يا ليتني اعرف أصيد
الآخر - فرق بين الصيد والقصيد
الجائع - علمني الصيد واصير خدامك
الآخر - بندقك معك والصيد قدامك
الجائع - حاولت اصيد من زمان لكن حظي تعبان
الآخر - كثر الطق يفتح البيبان
الجائع - حاولت مره وراح بعيد ومره ثانيه وصادف عيد
الآخر - حاول تصيد وجرّب من جديد
يقول المثل( ما فيه أخس من التجربه)
--------------------------------------------------------------------------------------------------
المتميزة 26
21-08-2009, 03:39 PM
ابو حـــلا .. كل عام وانت بخير

هامة مضر .. ما قصرت

بسما تلاحظ أن فيه أشياء كثيرة أختفت أهمها الرجوله والكرم !!

أول بيت الرجال مفتوح 24 ساعه للضيوف

الآن يمرشهر وأكثر ما دخل بيته أحد

و ألا وش رأيك ؟
هامة مضر
21-08-2009, 05:24 PM
هلا بالمتميزه

والشهر مبارك

الناس اختلفو واكيد للأسوأ

وين اكرام الضيف ؟

وين الحرص على الرجل اللي يجي من خارج الديره

كانت الناس تحرص على استضافته واكرامه

واذا كان جاي لغرض او يبحث عن حاجه يساعدونه ويقومون بواجبه

بالصدفه البارح يسألني واحد من اهل تمير اللي يجون من الرياض

يقول الظاهر صرتو مثلنا في الرياض

ما اشوف جمعاتكم زي اول ولا الديوانيات اللي يجتمع فيها الناس والمسايير

حتى انك اذا بغيت احد لو تمر على مجلس تحصله في هو وربعه

هالحين كود تمر عليهم واحد واحد

ولقيت ملاحظته في مكانها وتتفق مع راي المتميزه ان الناس تغيرت تعاملاتهم وروابطهم الأجتماعيه حتى انه فعلاً قد يجي الضيف ويروح محد درا به

كان أهل تمير سابقاً اكثر حرصاً على الضيف على الرغم من القله في الضروف المعيشيه

ويوم كثر الرزق والخير ما عاد فيه احد ينشد عن احد

وين الناس اللي يقول فيهم ابن جوده

متكاتفن تمير سبعة دروبي -- ما منهم اللي قال للضيف مليت

كانت مداخل الديره سبعة طرق والقادمين على الديره من ايها جائو

يجدون من يستضيفهم ولا يملون من استضافته

الآن الكرم موجود ولكنه لم يعد كما كان عليه في السابقين

نعم يوجد مع المعارف

حيث ان اهل تمير يبيضون الوجه مع من يتعرف عليهم ويتداخلون معه

الا ان الكلام على القادم الذي لا يعرف احد ولا يعرفه احد

ارا انه احق بالأهتمام

شكراً للمتميزه على اثارة هذا الموضوع

والرجا من الجميع الأدلاء بآرائهم

و 1000 شكر
الفوزان التميمي
31-08-2009, 02:59 PM
مشاالله عيك ياهامه مضر



صووت لفريقك المفضل:هلال او نصر..~

http://www.tumairawe.net/vb/showthread.php?t=5838 (http://www.tumairawe.net/vb/showthread.php?t=5838)

:41daf94b94::41daf94b94::41daf94b94: