وش السالفه يا أهل تمير ؟!!

[المتميزة 26]

وين الطراطيع والصواريخ ؟

أول كل شارع مليان بزارين وأولاد

اللي يلعب كوره

واللي ملاحق هو وربعه

واللي يفجر صواريخ

لكن السنه هذي غير

وهذي الملاحظة مو مني بس من كل اللي زاروا الديرة في هذا الشهر

يا ترى ايش السبب ؟؟

إشاعات كثيرة طلعت

منها أن نوير اللي في اسواق العويس اعتزلت المهنة واحيلت للتقاعد

واشاعة تقول أن السوق السوداء في تمير عليها رقابة صارمة

والاشاعه الاكثر تداولا أن دخول الدي سي أل للديرة كبر البزوره بسرعة فائقة

فتعدوا مرحلة الطفولة للشباب مباشرة في أقل من شهر

وهي الاشاعة الاقرب لأن الدلال تقول أن نسب الانتماء للمنتديات الرسمية

والحصرية بلغ ارقاماً قياسية

[تحري]

والله انك صادقه يالمتميزه البزارين اكبرو في يوم وليله والسبب الداسئل

[رجال الرجاجيل]

لاتعجلين يالمتميزة مابعد جت العطلة وباقي على العيد كم يوم
يمدي ؟ اص ثم اص لايدرون خلونا ننام زين

[هامة مضر]

هلا بالمتميزه

هذي ما فطن لها الا انتي

ولفتّي النظر لها وقمت انا اليوم بجوله

ولا سمعت حس ولا رميه

حنا تغيرنا لكن مدري وش الحاصل

منول ما يفوتنا شي ونتابع كل صغيره وكبيره عن تمير

في الجرايد والاعلام واي مكان

وهالحين تغيرنا يروح الرايح ويجي الجاي ما درى احد

انا بالنسبه لي يعجبني هالوضع

ما أهتم بأحد ولا يعنيني ولا ادور شي ما ضاع لي

لكن على راي المتميزه وش اللي صاير

وين اهل الطعطعان

او ان الطراطيع ادرجت ظمن الممنوعات الخطيره

هذا يتوقف على مصادر الأخبار بالرياض

اذا كانت البياعه نوير

لازالت او ازيلت

شكراً المتميزه

[قلب الاسد]

مابعد فكت شياطينهم .. والمبزره مايتسلطون الا ليلة العيد واللي بعدها ..
توك مابعد شفت شئ مايتسلطون الا اذا صرتي في عز نومك من الساعه ثنتين في الليل لين تشرق الشمس ..
حتى الديك من القهر يطق فيه عرق .. جا من غطا عليه .. !!

[ملك روما]

والاشاعه الاكثر تداولا أن دخول الدي سي أل للديرة كبر البزوره بسرعة فائقة

فتعدوا مرحلة الطفولة للشباب مباشرة في أقل من شهر

وهي الاشاعة الاقرب لأن الدلال تقول أن نسب الانتماء للمنتديات الرسمية

والحصرية بلغ ارقاماً قياسية

يبدو أن هذا السبب هو الأقرب والأرجح ...أطفال اليوم جيوبهم لا تخلو من الجوال والغيم بوي أضافة اللابتوب يقضون فيه أغلب وقتهم وفيه ما يغنيهم عن الطرطعان وصجته !!

لكن الملاحظ هذه الايام أن الكبار هم من يحرص على أقتناء هذه الطراطيع , قد يكون حنين للماضي ..لا أعلم !:21-gif:

عموماً ..الله يرحم أيام زمان ..وناس زمان ..وكل حاجة زمان كانت جميلة ..

شكراً ...المتميزة ..:D

[تميراوي الرياض]

الفكه من ازعاجهم غنيمه وراحة بال


لكن الملاحظ هذه الايام أن الكبار هم من يحرص على أقتناء هذه الطراطيع , قد يكون حنين للماضي ..لا أعلم !:21-gif:


والله يا ريحه الشروخه ان لها خرمه في الراس الله واكبر يازمن
يقول الصريخ في ااحدى اناشيده القديمه
ذكرتتني حبك اونا اقول ناسيه
جرحت جرحك يوم قرب يطيبي

[كنق تمير]

اية هذا الزين

خلو الديرة حركة وفلة ووناسة


هع هع


بدون تفحيط طبعا

[ıı иoọoи]

يالله وربي وناااسه الطرطعاان والصوااريييخ كذا تحسي انك في عيد

اوب كأنك في عزاء او اي يوم عااادي

وان شااء الله هالسنه يكوون فللله ونااااسه وتحس الناس انه عيد

[المتميزة 26]

هامة مضر معليش اسمح لي أنا بروح تمير وملزومه أشتري طراطيع

معليش بزعج راحتك ليلة العيد وبعدها بيوم



قلب الأسد حرام عليك هالبزارين هم أحباب الله


ملك روما أنا أحد الكبار اللي يعيشون الطفولة خاصة ليلة العيد


تميراوي الرياض احلى مافي الشروخه الخوف وريحتها

مشكورين جميعاً على ردودكم

[هادي]

تبووون العلم اللي يجمد على الشاااااارب
العلم عندي وانا ابو هندي
بس بشرط هامة مضر يبعد عني شووووي
السالفة ومافيها ان الشروووخ هالسنة غالية شوي وكلها حق العام
لان هالسنة ما ورد شي جديد
ونوير يالله حسن الخاتمه شوفها قليل
السوق صار لام فيصل وام فهد
تصدقووون ان الاسعاار دبل حتى بالشروووخ
منول نشترى الشرخ بريال نلعب به
والان سعره حول ثلاث ريال صعب والله علينا
>>>>>>> اللي يسمع هاللي قلته سابقا يقول هذا مورد جمله ؟؟




سلام

[هامة مضر]

سلام عليكم

وش بقي ما زاد سعره كل شي طار يالله العافيه

ونوير دربها درب هالعالم لا زادو زادت

يليتكم تزودونا بصوره لـ نوير هاللي سجلت اسمها في التاريخ

وصارت اشهر من فيروز

وحنا بخير هالسنه ما سمعنا الشروخ

وجت الغاليه المتميزه وكتبت هالموضوع وشبو اهل الشروخ مره وحده

وصدفه سيّر علي واحد ما له علم بالمنتديات وقال وش جا هالبزور

اول رمضان راكدين وفجأه طلّعو هالطراطيع

سبحان الله تقل معه علم عن كتابة المتميزه

ومر علي رجال الرجاجيل وقال هالعيلان تسلطو من يوم كتبت المتميزه عن الشروخ

الظاهر انها تتنبأ وعندها شي من التوقعات

فيا حبذا انها مع بدايه دخول الوسم تكتب موضوع عن الجفاف وقلّة الأمطار

[ابو حمد]

يا المضري متى علمك بنوير راعية الشروخه؟
المره توفت من فتره الله يرحمها ويغفر لموتى المسلمين,,
انا اتلى علمي بالطراطيع العام رحت لسوق اوشيقر اللهم يا كافي ما تشوف غير هاك العجز الي عيون الوحده تقول عيون قطوه يكشر شعر راسك من شوفتهن الله يرحمنا برحمته,,
وعلى قولة الاخوان النت سرق الاطفال بشكل مو طبيعي وماعاد يفكرون لا بطراطيع ولا بحلاو العيد وهذي
من صالحنا نسلم من الخساير الي مالها سنع تاليها تشقق هدوب الصغار وتشب في ايديهم من كثر ما يطرطعون

[المتميزة 26]

الله يرحم نوير حية ميته

بصراحه لها فقده في سوق الشروخه والطراطيع

وبما أنه عندكم نقص في تمير

راح نعمل حسابنا ونأخذ معنا كل الأنواع

[ابـو عبـــــدالرحمـــــن]

بزارين تمير تغيروا الاحين ما عاااااااد هم على خبركم

بزارين الجيل الثالث / ترفيااااااااااان وبلياردوا وشطرنج

[تحدوهـ البشر]

انا اقول ان سبب اختفاء تجارة الطراطيع والشروخة هو الاسهم نعم الاسهم الي طفرت بالعالم كل هذا من طمع الاباء يبخلون على عيالهم بكم ريال ويلعبون عليهم بكلمة اذا زادت الفلوس هههههههههه


انا اشوف ان كل المحلات بتمير تتعامل بالدين والتسجيل ودفاتر ابواربعين ماشي سوقها حتى لو كان الشخص معه فلوس يقول سجل مدري ليش ؟؟؟؟؟

بالسابق كان الموزعين للطراطيع يدورون بالحواري ويبيعون البزران وبعضهم من البيوت
واكثر الموزعين للطراطيع يعطي اخوانة عشان يسوون دعايه هههههههههه

يازين ايام اول ثوب العيد مايجلس نص ساعة الا وهو اسود ومتشقق خخخخخخخخخخخ

[ابوحلا11]

ولو المتميزه صغيره تحب الطراطيع وتحب كل شى فى وقته وفعلن من علامات الفرح يوجد طراطيع واطفال فى الشوارع لكن المضرى ونسيم انتهت صلاحياتهم يالمضرى ياحظ المدرسين والمدرسات بالاجازه ماودك نطرح موضوع ونشب على المدرسين والمدرسات

[هامة مضر]

ولو المتميزه صغيره تحب الطراطيع وتحب كل شى فى وقته وفعلن من علامات الفرح يوجد طراطيع واطفال فى الشوارع لكن المضرى ونسيم انتهت صلاحياتهم يالمضرى ياحظ المدرسين والمدرسات بالاجازه ماودك نطرح موضوع ونشب على المدرسين والمدرسات

ياهلا ابوحلا

لك وحشه

وين الناس

تصدق اجازه بدون صوتك ما لها طعم

ولو اعرفك جيتك في مكانك بس مشكله

ما لقيت احد يعرفني عليك ونسيم معك

لا تطول الغيبات

[تحدوهـ البشر]

الله يرحم نوير ويسكنها الجنة انشالله

الحين ماتشوف غير السود كل وحدة منسدحة بزاوية ولو شافت البلديه تطير وتمشي مليونين هههههههه

[قمر قمورة القمري]

نفس الكلام كنت اتكلم فيه وين عيد اهل تمير ...............هل تمير تغيرت علينا والا اهلها؟؟؟؟؟؟؟؟؟؟؟؟؟
يمكن التقووووووووووووودم الله يكفينا شره اول البيوت تمتلي من بقايا الصواريخ في العيد واشوف البيوت نظيفه