يا بنات المدارس [الأرشيف]

المتميزة 26

24-09-2009, 10:09 PM

يا بنات المدارس ليتني عندكم سواق

يقال أن هذي اغنية لواحد يتمنى يشتغل

سواق لمدرسة بنات

والكل كان يتمنى هذا العمل

لكن الوزارة تضع متطلبات ومواصفات

للسائقين الذين يعملون في مدارس البات

لكن في وقتنا الحاضر الوظائف غير مرغوب فيها

لدرجة أن الوزارة تنازلت عن كل المواصفات

والشروط والمتطلبات ..

لكن الوظائف مازالت شاغرة !!!

يمكن لأن البنات اختلفن وألا لأن شوفة البنات أصبحت في

كل مكان بعد ما كان من الصعب

رؤيتهن إلا من خلال الذهاب والإياب من المدرسة

وألا وش رأيكم ..؟

ابوحلا11

25-09-2009, 01:07 AM

بنات المدارس ليتني عندكم سواق**أمتع عيوني بالنظر دايم فيكم

وأبمضي حياتي بينكم ما يصير فراق**وفي كل عام بالشهاده نهنيكم

ولا أبغى معاكم قلبي ناقص اشواق**ونار بقلبي ولعتها أياديكم

وبنات المدارس هجركم مر ماينطاق**ولاشك ياالخلان ما خاب الأمل فيكم

دموعي على خدي وبقصى الحشى صفاق**والقلب يكفخ كل ما حل طاريكم

أنا لا طريتوني تعذرت للمشراق**أسولف مع الشيبان من شان أوافيكم

ومن عقبكم والجو متعكر ما راق**وعزي لقبي بالشوارع يباريكم

وبنات المدارس ليتني عندكم سواق**امتع عيوني بالنظر دايم فيكم
من العايدين وكل سنة والمتميزة طيبة وبخير.
المواضيع هذي او المعرف هذا يأتي بالمعجزات اللي يعجز كثير من الناس .انا لا انكر هذا الموضوع ولكن نقول الواقع كذلك .الربط دائما بالمتغير والمستجد في حياتنا .الماضي تراث نحرص على بقائه سالم بعيد عن العبث .
العادات السابقة لاتزال موجودة لكن تطورت ووسائل الاتصال لها دور كبير في سهولة الوصول لمن هم في شمال الكرة الارضية بمن هم في جنوبها.
كانت البنت لها قيمة لها محب لها من يقدرها بالنظر انا لا ادعي الفلسفة ولكن واقع الحريم تحب ان يكون لها معجبين تحب ان الناس تنظر لها.الان البنت هي من يحس انها مهملة من الرجال .وامتناع السائقين العمل في هذه الوظائف اثر على البنات وطرح تسألات كثيرة .ليه سائق الباص لا يلتف الى هذا الجمال .
البنات تغيرن عن السابق .

تميراوي نت وبس

25-09-2009, 01:30 AM

مافهمت عليك ممكن تقولين وش تبين بالضبط عشان نقول راينا .

ابوحلا11

25-09-2009, 01:32 AM

اضافة يسيطة
البنت اليوم تعاني من جفاف عاطفي وهذا مؤشر خطير بالنسبة للبنت يجب على كل رب اسرة ان يحرص على هذه النقطة .
اسف على الاطالة .

المتميزة 26

25-09-2009, 01:51 AM

مافهمت عليك ممكن تقولين وش تبين بالضبط عشان نقول راينا .

ابي سلامتك طال عمرك

شكراً لمرورك

المتميزة 26

25-09-2009, 01:58 AM

ابو حـــلا

شيء طبيعي أن الشاب أو البنت يسعد بإنجذاب الطرف الآخر

و العكس يكون شذوذاً

فالإعجاب وإحساس الفرد بأنه مهم وذو مكانة يشمل الشاب والبنت

أم كلامك ( بأن البنت تعاني من جفاف عاطفي في وقتنا الحاضر )

فهذا كلام لا يعمم وينطبق على نسبه من البنات قليلة وغالباً ما تكون في الأسر

المفككة أو المتشددة والتي يظهر فيها إبراز الشاب على حساب اخته الفتاة

شكراً لك ابو حـــلا

هامة مضر

25-09-2009, 02:00 AM

هلا بكم

اقول ان المتميزه محظوظه ببو حلا

ودايم مواضيعها تروق لبوحلا

هذا شي من الله

واقول ان المتميزه تحسن اختيار الزمان والمناسبات للكتابه

وهذا كمان شي من الله

لاشك ان الناس تختلف

هناك من يبدع امام الجمهور ولا يحب العمل الساكت

بل يحتاج الدعم والتشجيع حتى لو كانت نظرة اعجاب

والأدهى اذا كانت من الجنس الناعم

حل بدوياً ضيفاً على اهل احدى المزارع

وفي جولته داخل المزرعه وقف عند السواني

وكان اللي يصدر يغني في الروحه والجيه

والبنات يتفرجن عليه وطربانات على صوته

قال البدوي هذا (اللي يصدّر ) له اجار والا بلاش؟

قالو يشتغل بأجار

قال ما يكفيه شوف البنات ويغني عليهن ؟

وكان البدوي شاعر

وقال -- ياليتني حرفي واسوق المعاويد -- ---- لو كان بالجازه بليا مقامي

عند البني اللي كما شرّد الصيد -- اللي ترودع خدها بالوشامي

يقول ليتني اسوق السواني ولو كان اجري الأكل والشرب فقط وبدون مقام ( راتب)

عند البنات اللي مثل الضباء وتزين خدودها بالوشم

بنات المدارس ليتني عندكم سواق ------ امتع عيوني بالنظر دايمن فيكم

امضي حياتي بينكم ما يصير فراق------ - وفي كل عامن بالشهادات اهنيكم

ولا ابغي معاش ومقصدي ناصف الأشواق - ونارن بقلبي ولعتها اياديكم

-------------------------
بنات المدارس ليتني عندكم فراش - اسوي لكم شاهي واجيبه واقهويكم

ولا ابغى معاش وبشتغل عندكم ببلاش ----- ولا احدن بيمنعني ايلا جيت احاكيكم
----------------------
وفي الخليج يوجد قديماً بياع النفانيف (ثياب الحريم)

من المهره من نواحي عمان واليمن ويسمى المهري

يتجول بين المنازل وينادي بصوته خام خام ويبيع على ستات الحسن والجمال

فيقول الشاعر

ياليتني مهري وابيع النفانيف ------------ وادخل على الخفرات ما يمنعني

واليا دخلت اشوف زين التواصيف ----------- ارخص لهن في البيع ويعاملني

امشي واشيل الخام لو حالي ضعيف - -------ومن اتكلم (خام خام ) سمعني

والله لأجيب لهن ثيابن على الكيف ----- وابيعهن برخيص لو خسرني

واخيراً

راسن ما فيه هوى موته وحياته سوا

ويمكن موته ابرك

العمل في قيادة باص البنات له شروط

لازم يكون قلبه ريه يعني مهوب اخضر -حصاة جامد

لا مشاعر ولا احاسيس

يعرضون عليه في المقابله صورتين

مريم الغضبان ومريم فارس

ويقول كلهن سوا

ما احب اطوّل عليكم

شكراً لكم

تميراوي نت وبس

25-09-2009, 02:02 AM

جزاك الله خير مبين انك ماتبيني اشارككم بسلامتكم انتم الخسرانين

المتميزة 26

25-09-2009, 02:13 AM

جزاك الله خير مبين انك ماتبيني اشارككم بسلامتكم انتم الخسرانين

العذر منك تميراوي نت وبس

بس الموضوع مبين ومايحتاج شرح أنت شارك حسب فهمك للموضوع ومن الزاوية اللي تحب

لأن ذلك يثري الموضوع

اعتذر لك مره أخرى

تحياتي لك

عزام الخريف

25-09-2009, 02:18 AM

اعتقد ان البيت اللي ذكرتي اختي المتميزه كان في
وقت مثل ما قلتي ما فيه فرصه يشوفون البنت ألا في التبيس (الباص)
واهل الهوى منول هالشغله عندهم مثل اللي يقول
حج وقضيان حاجه يعني راتب ويكحل عينه 00
اما الان اعتقد سواقة الباص راتبها شوي وغثاها واجد
وتكحيل العيون للي في قلبه هوى في كل مكان الله يستر علينا 00
واعتقد الان الوضع تغير لان فيه بعض البنات ما يستحن من السواق
فيتكلمن معه بميوعه ويمكن يفتشن قدامه واللي في قلبه دين
ما وده بهالشغله يخاف على نفسه 00
والله يحمانا ويحماكم 00
هامة مضر يوم قريت ردك كني جالس انا وياك في بيت الشعر
ونتقهوى الشاهي 00 عندك سرد ممتع للسوالف بشكل غير طبيعي

المتميزة 26

25-09-2009, 02:18 AM

هامة مضر

الله الله الله

من جــد مشاركتك غطت على الموضوع

بس اختبار اختيار السائقين ما اعتقد له اهمية

لأنه بالأساس مافيه رغبه في هذه الوظائف

يمكن هالأختبار ينفع مع وظيفة فراش

لمدرسة بنات متوسط أو ثانوي

المتميزة 26

25-09-2009, 02:26 AM

شاعرنا المبدع عزام الخريف ... أنا اتفائل بتواجدك

في مواضيعي

وأتفق معك يمكن كثرة الفرص تقلل من متعة الشيء

فما بالك إذا كان ورا هالمتعه شقا

الفرص للرجل صارت كثيره ومافيها كلافه

وبعد اتفق معك في جمال و متعة متابعة مشاركات هامة مضر

تميراوي نت وبس

25-09-2009, 02:37 AM

أعتذر عن سوء الفهم واشكر هامة مضر على رسالته اللي ماأدري وش تبي
وش علاقتي بالنصر افهم بس .؟
ورايي يقول ان السواقين موجودين بس تطوروا من باص الى فان وصار هدفهم جامعي ومدرسات .

المتميزة 26

25-09-2009, 02:45 AM

حصل خير تميراوي نت وبس ... واشكر هامة مضر اللي دائماً ساعي في الخير

أنت تقصد سواقين الفانات اللي بقدرة قادر تحولو لشركات نقل

هذولا ما اعتقد يهمهم شوفات بقدر ما يهمهم الربح المادي

لكن سواقين باصات الوزارة رواتبهم قليلة

وكان المطمع الوحيد هو شوفة البنات

وشوفة البنات صارت في كل مكان وزمان

عشان كذا ما صار فيه رغبه في هذه الوظيفة

هامة مضر

25-09-2009, 02:46 AM

[quote]
اما الان اعتقد سواقة الباص راتبها شوي
من قال لك ان حنا نبي راتب
وغثاها واجد
من بغا الزين يصبر - لو رقد فوق لهّاب - قال ذي جنة الله
فيه بعض البنات ما يستحن من السواق
فيتكلمن معه بميوعه ويمكن يفتشن قدامه
نعمه من الله-- رزق من العزيز الجليل
واللي في قلبه دين
القلوب علمها عند الله
ما وده بهالشغله يخاف على نفسه
ليش يخاف ؟ داخل على ضباع ؟
والله يحمانا ويحماكم 0
0
اول ما يجي التقاعد المبكر شف لنا في هالوظايف
انا ونسيم وابو حلا
ولا نبي رواتب
الراتب تحطنه في مقاضي لهن

سندويش وعصير وعلك

واللي تخلص من العلك لا تحذفه بالشارع يجمعونه

يصلح عزيمه وعلاج عن الكحه والهم

المتميزة 26

25-09-2009, 02:54 AM

ههههههههههههههههههه

بس ما قلت يا هامة مضر اي مرحله متوسط وإلا ثانوي

وبعدين يمكن بعد التقاعد بعد كم سنه يتغير القلب وما يصير أخضر

فلا تستعجل ويحجز لك شاعرنا عزام وظيفة وتتوهق فيها

وبدون راتب بعد !!

عزام الخريف

25-09-2009, 02:56 AM

الراتب تحطنه في مقاضي لهن

سندويش وعصير وعلك

واللي تخلص من العلك لا تحذفه بالشارع يجمعونه

يصلح عزيمه وعلاج عن الكحه والهم

ههههههههههههههههههههه
والله انك تصلح سواق اجل
بس فيه مشكله يا المضري ما انتبهت لها
ألا وهي الشكل 00 تتوقع بيناظرنك
انت يالله في تبيس شياب 00

تميراوي نت وبس

25-09-2009, 02:56 AM

واذا شفتها وبعدين ياهامة مضر يمكن تطيح لك في وحدة شوفتها تقطع النسل ثم تكره الساعه اللي حطوك فيها سواق بنات
شف تبي شوري مالك الا تصير سواق سساتر فاتشات على طول

المتميزة 26

25-09-2009, 03:04 AM

هههههههههههههه

المشكله هالسساتر حتى لو كاشفات كلهن شكل واحد

بيمل من أول يوم

ويقال يا مدور الهين ترى الكايد احلى

يعني لما تجي الشوفه سراقه احلى بكثير

تميراوي نت وبس

25-09-2009, 03:08 AM

وكان المطمع الوحيد هو شوفة البنات

يعني فيه بنات يكشفن للسواويق حقين الوزاره

تميراوي نت وبس

25-09-2009, 03:14 AM

يعني لما تجي الشوفه سراقه احلى بكثير
ماظنتي هامة مضر بيسرق الا بيقلط عندهن ويمكن يسوق بهن بالريوس عشان يقلط صح ..

هامة مضر

25-09-2009, 03:17 AM

يالربع فهمتوني غلط

انا قصدي ان العمل في هالوظيفه

مريح للنفس والقلب

والقصد خدمة المجتمع

وانا معي رخصة قياده ولا احب السرعه

بالنسبه للسسترات

مناخرهن كنها بيوت نمل

ونشوفهن دايم

امر آخر

بالله عليكم

ايهم اللي في نعمه

سواق باص البنات
او سواق باص عمال البلديه

الفرق واضح

سواق البنات المفروض يدفع زكاة ماله كل اسبوع

فعلاً شوفة السراقه احلى واجد

يقول المثل

اللّمحه ذبحه

هامة مضر

25-09-2009, 03:23 AM

يعني فيه بنات يكشفن للسواويق حقين الوزاره

اسأل عزام

حول بيتهم ثلاث مدارس بنات ومسجدين
ويصلي الظهر في المسجد اللي ورا المدارس

وباقي الفروض في حليس

تميراوي نت وبس

25-09-2009, 03:26 AM

ماش تخوف ياهامه
ولو الأمر بيدي كان لبستك اللي يلبسونها الحصان في وجهه مدري وش يسمونها
علشان مايتلفت لايمين ولا يسار صالب وجهه قدام

تميراوي نت وبس

25-09-2009, 03:30 AM

اسأل عزام

حول بيتهم ثلاث مدارس بنات ومسجدين
ويصلي الظهر في المسجد اللي ورا المدارس

وباقي الفروض في حليس

وش يدريك انه يصلي في ذا المسجد لاتكون انت الامام

المتميزة 26

25-09-2009, 03:33 AM

اسأل عزام

حول بيتهم ثلاث مدارس بنات ومسجدين
ويصلي الظهر في المسجد اللي ورا المدارس

وباقي الفروض في حليس

هامة مضر

الحين فهمنا ليش شاعرنا ما هو مع هالوظيفه

أثاريه ساكن بين مجمع مدارس

بس وش معنى كلمة حليس ؟!!

تميراوي نت وبس

25-09-2009, 03:36 AM

حليس
اسم الباص اللي شاريه

عزام الخريف

25-09-2009, 03:38 AM

هههههههه
فضحتنا يا المضري
تدري وين المشكله ان المدرسه اللي عندنا ابتدائي
يعني مالنا سنع 00
وحليس يالمتميزه هذا اسم المزرعه اللي فيها الخوخ والرمان 00

تميراوي نت وبس

25-09-2009, 03:41 AM

وحليس يالمتميزه هذا اسم المزرعه اللي فيها الخوخ والرمان 00

نسيت الزيتون والشاي والبن والقطن والربيان

المتميزة 26

25-09-2009, 03:42 AM

لا عاد لا تشوفوني غشيمه وتخربطون معلوماتي

تميراوي يقول باص

وشاعرنا يقول مزرعة خوخ ورمان

هامة مضر

25-09-2009, 03:45 AM

موضوع شيق

وجا في وقته

والمشاركات توكل بالملعقه من حلاوتها

اثرنا مبطين عن السوالف الرطبه

عزام الخريف

25-09-2009, 03:46 AM

حاشاك من الغشامه يالمتميزه
الصحيح اسم مزرعتنا بس بدون خوخ ورمان 00

المتميزة 26

25-09-2009, 03:57 AM

تسلم شاعرنا

وعقبال مايطلع عندكم خوخ ومانجا

وتجيكم بنات المدارس في زيارات مدرسية ويكون السواق هامة مضر

هامة مضر

25-09-2009, 04:09 AM

تسلم شاعرنا

وعقبال مايطلع عندكم خوخ ومانجا

وتجيكم بنات المدارس في زيارات مدرسية ويكون السواق هامة مضر

الله يقبل منك

ركز على الدعوه يا شاعرنا

لا تنساها

من هالدعوه بتشوف سيول عظيمه هالسنه

باذن الله

عزام الخريف

25-09-2009, 05:32 PM

ههههههههه
اجل نقلع الخضري والمجلي
ونكنز منجا وخوخ ههههههههه

المتميزة 26

25-09-2009, 07:12 PM

والله أنت قدرها يا شاعرنا

بنات مدارس <<<<< وخضري ومجلي بصراحه ما تجي

لكن بنات مدارس ومانجا وفراوله عــز الطلب

عزام الخريف

25-09-2009, 11:38 PM

بس ما تجي إلا في حاله وحده يالمتميزه
ننقل المزرعه الى لبنان 00
تمير وفراوله ما تجي ابد 00
يالله يالله عبري !

هامة مضر

25-09-2009, 11:51 PM

[quote]
بس ما تجي إلا في حاله وحده يالمتميزه
ننقل المزرعه الى لبنان 00

ويصير اسمها في لبنان
حليس جعيتا
وبعدها شوي ضيعة ام البصل
وبعدها شوي كفر الباطن
وتغيرون اسماء الأسر
الحريري في جويجم
وميشيل عون في العطينه
ولحود في البديّع

المتميزة 26

26-09-2009, 12:31 AM

يالله

عاد شفت الفرق حتى اسماء مناطقهم فيها رومانسية

تميراوي نت وبس

26-09-2009, 12:47 AM

وراكم حقتوا الموضوع
كله من ضيعة حليس

هامة مضر

26-09-2009, 12:50 AM

عندنا اسماء لا تقل رومانسيه عما في لبنان

شعيب الضبعه
ام الشبرم
ابو قبور
ام الذيابه
الشوكي (من الشوك)
ابا الخلقان
ابا الحصاني
ام الحمير
ظهر الحمار
غليفص
شعيب الجنّيه
شعيب الفطيس

المتميزة 26

26-09-2009, 12:55 AM

ما عليه يا تميراوي نت وبس كلها سوالف

ابو حمد

26-09-2009, 01:02 AM

عندنا اسماء لا تقل رومانسيه عما في لبنان

شعيب الضبعه
ام الشبرم
ابو قبور
ام الذيابه
الشوكي (من الشوك)
ابا الخلقان
ابا الحصاني
ام الحمير
ظهر الحمار
غليفص
شعيب الجنّيه
شعيب الفطيس

يارجال كلها كووووووووووم واسم نفواان كوم مايقبل ولا في اقصى الصومال :787:
على طاري الاسامي ليتك يا المضري تخصص موضوع عن المسميات القديمه في تمير

تميراوي نت وبس

26-09-2009, 01:05 AM

آه منكم بس

قلب الاسد

26-09-2009, 01:10 AM

أول شئ كل عام وانتم بخير ..!!!
ثاني شئ مهوب عشان واحد تمنى انه يكون سواق بنات حكمنا على الكل انهم من نفس نمونتة ...!!
أعرف سواقين عز المعرفه مايفكرون هالتفكير ولو فكروا أو حاولوا يفكرون بهذه الطريقه لما وافقوا على توصيل بناتهم للمدارس عن طريق التوبيسات .. !!
ثالث شئ .. أشكر المتميزه على اتحافنا بجديدها الممتع .. !!

المتميزة 26

26-09-2009, 01:20 AM

حياك الله قلب الأسد

وكل عام وأنت بخير

وشفيك يا خوي راجع معصب ؟

الدعوه كلها سوالف في سوالف

بس الشيء الأكيد أن وظيفة السواقين في الوزارة ما عليها إقبال

وترى توقيعك حلو ومميز

قلب الاسد

26-09-2009, 01:32 AM

حياك الله قلب الأسد

وكل عام وأنت بخير

وشفيك يا خوي راجع معصب ؟

الدعوه كلها سوالف في سوالف

بس الشيء الأكيد أن وظيفة السواقين في الوزارة ما عليها إقبال

وترى توقيعك حلو ومميز

الله يحييك ..
وبالعكس انا ابديت وجهة نظري ويمكن اسلوبي أوحى لك اني معصب مع اني منسدح :24:
ودام الدعوه سوالف خذوا راحتكم .. !!
وأشكرك على اطراءك لتوقيعي .. !!!

ابوحلا11

26-09-2009, 10:49 AM

الان الناس اتجهوا الى وظيفة سائق معلمات.وش يبون بالمطاريس بنات مدارس .
المعلمات متفهمات وعاقيلات ووصاحيبات خبرة .
منول السواقين يرغبون بوظيفة سائق بنات المدارس لان العدد قليل ومعروفات ويعرف المترديه والنطيحة اما الوقت الحاضر معد تفرق الشين من الزين من اللحوج مكياج وبودر وديرم ونقاب .

تحدوهـ البشر

26-09-2009, 11:14 AM

بالعكس السواق الان مايتوظف الا بواسطة عليها طلب كبير هههههههههه

ابوحلا11

26-09-2009, 08:47 PM

بصرحه احسن وظيفه سواق مدرسات سوالف زينه ورحيتن زينه وقهاوى زينه حتا مايجينى النوم واذا احتجت فلوس قطو لك سواق والافى الاحلام واذا جاء العصر وبغت مشوار اوديها واوديهن لزواجات والاسواق ومحصل عيشه ابرك من بنات المدارس ريحتن شينه فى التبيس وصياح تقول فى حراج وش رايك يانسيم وياالمضرى

هامة مضر

26-09-2009, 09:52 PM

ابوحلا11

26-09-2009, 09:57 PM

اجيب نسيم وتسوق بصراحه ياالمضرى مانى صادق ماودك تصير سواق مدرسات

ابوحلا11

26-09-2009, 10:13 PM

يالمضرى تراالمتميزه تضرس ودها انها مشرفه تشطبنا مثل اول ايام فرعون ونسيم والحوار الجاد انضبط تراها ياالمضرى شر تراها تبى تشطبك انتبه تطلع عن الخط الاصفر

هامة مضر

26-09-2009, 11:22 PM

يالمضرى تراالمتميزه تضرس ودها انها مشرفه تشطبنا مثل اول ايام فرعون ونسيم والحوار الجاد انضبط تراها ياالمضرى شر تراها تبى تشطبك انتبه تطلع عن الخط الاصفر

والله حنا ماشين في السليم

ووفق سياسة البرنامج التي تقدر الرأي والرأي الآخر

وللعلم المتميزه في اي مكان تملك سلطه

ولها تأثير قوي على الرأي العام

انتبه لا تتفرعن

خلك في السليم

المتميزة 26

27-09-2009, 12:36 AM

( ووصاحيبات خبرة )

بعد عبارتك هذي أنت مرفوع عنك القلم ومشوووووبط

على طول بالنسبه لي

حلو الواحد يسولف ويندمج مع الأعضاء .. بس باحترام

لأن الأسلوب يدل على شخصية الإنسان .... وأنت كثير بين من

أسلوبك :)

هامة مضر

27-09-2009, 09:22 AM

بو حلا

كم كلمةٌ قالت 0000

تحدوهـ البشر

27-09-2009, 10:32 AM

والله بلشنا بالشياب مالهم شغله غير التركز امام مدارس البنات ههههههههههه

ابوحلا والمضري طايحين حش بالبنات والسواقين هههههههههههه

ابوحلا11

11-10-2009, 07:58 PM

انا برى من لكلمه ومن الموضوع وانت تعرف اللى كاتبه لكن نحمل كل العواقب

هامة مضر

12-10-2009, 09:04 AM

ألا يالله يالي تحت هيبـة سلطنتـك أسلمـت
لك المسلم يسبحلك بحمدك ولك الاسلامـي
أحمدك وأشكرك وأثني عليك بما علي أنعمـت
تزوّدني وفاء قدر العشير ووصـل الأرحامـي
ولدك الفجر يالليل الذهول اللي علي أظلمـت
يعرضك واقع الماضي بعيني عـرض الأفلامـي
ولهتك يالنديم اللي على صافي وفـاك أظرمـت
بصفحة ذكريات العام واللي من ورى العامـي
بعد تقرير مشوار التجارب نجحـك وأجزمـت
لأن السيف يبقى والعصـا والمحـزم حزامـي
عطتني عزلت اخلاصي معك نسياني من نادمت
كتبتك وأنطوت صحفي عليك ورفعة أقلامـي
أباهي ولا أبالي وأتبيسـط كـل مـا قدمـت
أشب النار قـدام العـرب واشيـد خيامـي
نهاري حر شمسه يستحي منها لسـان الشمـت
وليلي ترقب نجومه مالامت كـل مـن لامـي
على ضو الكلام اللي كشف عنا ستار الصمت
عرفت أني تحت برق الأمل في روض الأحلامي
أحسبنك تيمـم بتجاهـي ويـن مـا يممـت
وأثرك منت بورايه في الطريق ولا أنت قدامـي
مصيبه لا تدنت قيمتك في عيـن مـن قيمـت
يشوفك فسهل وأنته تشوفه بسمـاء السامـي
كثر ما حن قلبي للونيس وكثر مـا درهمـت
فجّر صدري حنيني وأتعب الأقـدام درهامـي
عيون الصد وعيون التجافي حول مهما أكرمت
تشوف المجتهـد كسـلان والبنـاي هدامـي
مدام جنابك شام لجنابي وأنـت عنـي شمـت
كثّر خيرك وأنـا مانيـب جايـع ولا ظامـي
أشوفه أنه علي واجب إليا مريتـك وسلمـت
مرور كرام تربطه الكرامـه عنـد الأكرامـي
علشان الخفوق اللي على عرشه قعدت وقمت
حجب عنك الدجا لين أشرقت لك بيض الأيامي
أختام السالفه ياطيب العشره كرمـت ودمـت
هذا حقك علي وحق شرهاتي علـى أوهامـي
مصير الوقت يشرح لك دروسه وإن غفلة ونمت
يصحيك الزمان اللي يصحي كل مـن نامـي
تذكرني لامنها خابت أوهامك في مـن وهمـت
وشفت الفرق في حب الخشوم وحب الأقدامي

رجال الرجاجيل

12-10-2009, 10:24 AM

اخواني السلام عليكم

اشكرك اختي المتميزة على الموضوع المميز

ابااخش على طول لاالمضري ولاابو حلا يصلحون للسواقة لعدة اسباب
اولاً / قلوبهم خضراء 0
ثانياً / سواقتهم الله بالخير مايعرفون يرجع ريوس بالتبيس 0
ثالثاً / الاشكال لك عليها ( استغفر الله)0
رابعاً / ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خامساً /؟؟؟؟؟؟؟؟؟؟؟؟؟؟؟؟؟؟

والله يعطيكم العافية