تحت أضواء آدم...

[تحدوها البشر]

السـلام عليكم ورحمة الله وبركاته

صبـ(ومسائكم)ـباحكم .. مُفعمان بالخير والبركة ،،




تحـت أضـوآء آدم ’

عندمـآ تتساقـط أوراق ربيع فِكـر آدم يلتقطهـآ
مـن حولـه لـ ينعُـم بمقولةٍ او عبآرةٍ ترجمهآ ذاك
المـوقـف الذي جعـل آدم ينتفـض بجمـوح افكـآره
لـ يتلو علينا من ثمـآر افكاره ما لـذَّ وطـاب من
النصحيـة او النظرة الخاصـة الممزوجة بفلسـفة
منطقية مؤمـنٌ بها مُدركٌ إيآهآ ....!!


الفكـرة :-

طبعـاً الفكـرة منقوله وإن شاءالله تروق
لكم أحبتـي وهيّ كـالاتي ..


يتم إستضـآفة آدم لـ ينزف لنا من قلمـه الخاص
ويُمنع النقـل ..( ينـزف لنا نظرته الخاصة تجاه
موقفٍ ما بفلسفـة منطقيـة ترجمها من موقفٍ مَـرّ
عليه في هذه الحياة ) .. ومن ثمّ يختار من جنس آدم
لـ يحـلّ محلـه وهكذا ...!!

:: ::

أتعلـم عزيزي آدم ...!؟

أن لكـل نفسٍ بشرية فلسفة خاصـة تقبع بداخله
ويآحبّـذآ لو شآركنا بها وأكرمنا برغيـد ابجدياتها ،’


ومآ جآل بـخاطري يا آدم ..أن نتشـآرك ما نؤمن بهِ من
صنيع اقوالنا بعيداً عـن الحياء من عـدم التوفق اوقصـور
النظر من الغيـر ..ويكفـي أنّك زرعت حرفاً في عقول من حولك
يستفيدون منهُ عاجلاً او آجلاً ..وتذكر أنه يجب ان تكـون
كما تحب طالما انّك عن الخطأ مُبتعـد ..!!


\
/


همسـة لكل من حواء وآدم .. يأنس المُتصفّح وتسعد
الـروح حين عِناق تعليقكم تجاه ما ينزفه الضيـف آدم ،’


/
\

وأول آدم سيكـون مُتربعاً في مِحرآب الكَلَـم ..

الاخ القــدير ( هامه مضر ) ..


وبعده هو يختار ادم اخر ليحل محله...


ولكم مني كل الود والمحبة,,,
:: ::

[هامة مضر]

هلا بكم
الموقف
كنا كاشتين في شعيب الأرطاوي
وفي الطريق مرينا البقاله وخذنا معنا شي يحرك الضرس الى ان يزهب الغدا - كيك وخبز وعصير
وكان احد الربع معترض على شراء هالحاجات ويقول ماله داعي - غدانا معنا وشو له تشرونهن
ويوم وصلنا الأرطاوي نسيناههن بالسياره وبعد ماتغدينا ذكرناهن ولا جالهن نفس بعد ما شبعنا من الكبسه
وركبنا السياره وسندنا الارطاوي فوق
ولقينا عامل سارح بغنم ولفينا عليه وعطيناه هالخبز والعصيرات والكيك وكان اللي معترض على الشراء من البقاله يقول لا تكثرون عليه عطوه شوي بس
وهو يضحك وكان مع العامل كيس مخيوط من كيس شعير وحط الأكل اللي عطيناه فيه على ظهر الحمار
كان هالكلام يوم الأربعاء
وفي يوم الجمعه جت غيوم وامطار قويه وسيول وراح صاحبنا اللي كان معترض على المشترى يتمشى في السيول مع ربع له
ووصلو الشوكي وكان ذلك تالي النهار
ونزلو في الشعيب بالسياره ونشبت سيارتهم وهم اثنين
ونزلو من السياره يمشون على رجليهم
وتاهو الطريق وراحو باتجاه الشمال بدلاً من الغرب
وغابت الشمس والأمطار مستمره كل هذا قبل الجوالات وقبل طريق الأسفلت اللي يروح ام رجوم
المهم جاهم الليل ونامو تحت الشجر في عز البرد والأمطار
وفي الصباح قامو تعبانين وجوعانين ولا يدرون وين يتجهون
وبعد مسافه شافو من بعيد غنم وعندها عامل
واتجهو لها ووصلوها بعد جهدٍ جهيد ( تافلين العافيه )
ويوم وصلو الغنم ايلاه العامل اللي عطيناه الحاجات اللي شرينا من البقاله
وعرف العامل صاحبنا وجاب الكيس والخبز اللي باقي - وباقي الكيك وقوطي عصير تقاسموه
وراح بهم للخيمه وزين لهم شاهي
وارتاحو في الخيمه الى ان جا كفيله وجابهم للديره
سألنا صاحبنا قلنا وشلون كلت الحاجات اللي في كيس العامل لها يومين
قال من الجوع ما نفكر في شي خربان والا منتهي تاريخه
وقال (المهم اللي يطلع للبر قولو له دايم ياخذ معه شي للمساكين اللي في البر)
قلنا له انك تقول لاتكثرون للعامل
قال انا غلطان ليتكم عطيتوه كل اللي معنا
--------------------------
الزبده
علينا ان لا نحتقر عمل الخير وصنع المعروف وان كان بسيطاً
او مع انسان مسكين
فمهما كنت قد تقهرك الضروف وتجبرك على الأستعانه بمن كنت تراه اقل من ان تحتاجه
1000 شكر
اختار تحدوه البشر

[تحدوها البشر]

الله يعطيك العافيه
شاكره لك تفاعلك..

بانتظار تحدوه البشر
على فكره العضو الذي يتم اختياره يرسل له رابط الموضوع عالخاص من قبل العضو المسبق

[تحدوهـ البشر]

اول شي اسف على التاخير ههههههههههههه مادريت ان المضري موهقني بالموضوع

الموقف ياحواء ......

تعودت قبل النوم ان اقراء الاذكار والادعية وان اقلب فراشي كما جاء في السنة النبوية

وفي احد الايام نسيت ان افعل ذلك وللاسف تعرضت للدغة عقرب في فراشي


الفائدة من ذلك ان الانسان يكون في حفظ الله في ذلك اليوم ولايصيبة شي من مصائب الدنيا الا شي كتبة الله له



اختار بعدي اخوي الحر وسيتم التبليغ برسالة بالممتاز خخخخخخخخخ

[الحــر8100]

عالعموووم ياتحدوه منب جايب سالفه شارع الوشم

لكن عندي سالفه مضحكه وتفشل في نفس الوقت

هذه مره من المرات كنت وواحد من زملائي متجهين لهيئه التخصصات عشان نختبر عندهم

وكانت واجهه الهيئه من زجاج اللي يغير شكلك ويخليك تضحك :mraya:

وكان القزاز مايبين وش وراه اللهم تشوف نفسك في الصوره

أخوكم قام عند القزازه هو وخويه يشخصون جازت لهم صورهم في المرايه
وسوينا حركات هبال :049: :Bg-093:

فتحنا الباب فأكتشفنا ان اللي بالداخل زملاء لنا وناس مانعرفها حوالي 60 شخص

وكلهـــــــــــــــــــــم يضحكون علينا :Bg-019: :Bg-020:

الا ونسحب رجلينا برا الشارع وماشاء الله معروفين من بعيد علينا ملابس شتويه من بينهم

هالشئ علمني معد استحي على كثر اللي ضحكوا علي

واختار سم الحنــــــــــــش راعي المواقف

يعطيك العافيه ياتحدووهـ

[سم الحنش]

وعليكم السلام ورحمة الله وبركاته
موقف محرج صاير لي.......... :gap:
مر من مرات في صناعية الخرج في الرياض
أنا واحد من العيال حطني عند محلات دوار الخرج
خذت المقاضي وجلست عند درج المحلات تحت الكبري
أنتظر رفيقي بين زحمت السيارات وأنتم بكرامه ( أنحسرررررت)
معد أقدم ولا أخر..:crazy:.. قلت ماقدامي ألا تحت هالسياره
وقضيناها والحمدلله رجعت لمكاني مقابل السياره ألي قضيت عندها
وألا فيه دورت المياه الله يعزكم بس معي أكيااااس مقاضي ماأقدر أخليها
وأنتظر رفيقي وألا صاحب السياره يجي :xxx: ويشوف المويه قدام السياره الله يكرمكم
يحسب أنها من سيارته ويحط أصبعه في المويه (خخخخخ) يحسب أنها موية :34:
أديتر السياره ويناظر المويه في أصبعه
يقول مب موية أديتر
وأنا ضايع وجهي ماأدري وش أسوي أقوله وألا أخليه :21_197:
مار يركب سيارته ويمشي...:gap:
وسلااااام أختار ولد الديره...:jockey:

[ولد الديرة]

آآآآآسف على التأخير
والله يعافيك اخوي تحدوهـ على التنبيه
وبالنسبة للمواقف كثيره بس اذكر منها موقف حصل معي ايام شهر العسل :brunette: حطيت ثوب لي في مغسلة ملابس واذكر اسمها للحين ( مغاسل نظيف) وقالي الهندي استلمه بعد ثلاث ساعات هالكلام الصباح ،،، جاء وقت العصر ورحت استلم ثوبي ودور هالمغسلة من شارع لشارع ضيعت المحل :lac: ولساعك والثوب عند ابو هنود :Bg-028:
:Bg-011:


ارشح ابو عبدالله :clapping:

[ابو عبدالله]

ماعليش على التاخير


بنسبه الى المواقف ياكثر مواقف السيارات

لكن

مره من المرات وانا في استراحه مجتمعين

وكان معي كيس فيها اغراض لى

وانا جالس انتظر واحد يجي بروح معه

المهم جلست ادور محل احطها فيه لين يمرني

مافيه الا موتر ولد عمي اقرب شي (الله يذكره بالخير)


المهم وافتح باب الرديف واحط الاغراض واقفل الباب والدريشه مفتوحه

المهم جاء خويي ومن العجله ابي اخذ الاغراض

جيت بفتح الباب لقيته مقفل

مار اطب مع الدريشه وافتح الباب واخذ الكيس


ويوم ركبت مع خويي جلست يمكن ربع ساعه ساكت جالس اهوجس اشلون خذت الكيس ؟؟؟؟؟؟


ولا فتحت قفل الباب مع الدريشه

واشلون طبيت مدري


وهذا علمني ان العجله مهب زينه



واختار بعدي
زمن

[تحدوها البشر]

هههههههههههههههههههههههههههههههههههههه
الله يعطيكم العافيه
شاكره لكم تفاعلكم

بانتظار زمن

[ملك روما]

أذا سمح لي أخي زمن ..هناك موقف محرج حدث له أتذكره ولا يفارق ذاكرتي لما فيه من الحرج والطرافه .
بعد إذنك أخوي زمن ..

ذهبنا في أحد الأيام لأداء العمرة وركبنا الطائرة متجهين ألى جدة ..وأثناء الرحلة أخبرونا بالميقات لمن أراد أن يلبس لباس الأحرام ..وقام كل معتمر يستبدل ملابسه ويحرم في حمام الطائرة أعزكم الله .

فلما جاء دور حبيبنا زمن ..حمل كيس الملابس ودخل الحمام للاحرام ..هناك أكتشف أنه لا يحمل معه الا قطعه قماش واحدة فقط !! والمعروف أن اللباس قطعتين !!

ماذا فعل ؟؟
خرج لنا وقد لبس قطعه واحده وأكمل الناقص بثوبه الأبيض مخفياً الأكمام و الغالوقه وكأنه أحرام كامل !!:mo13:
في منظر وموقف لا يحسد عليه ..كلما ذكرته أبتسمت وقلت ( الله يذكر هاك الأيام بالخير يا ابو مشعل ) .

تحياتي وتقديري للجميع ..

[تحدوهـ البشر]

ماشالله عليه زمن كل شي يمشي ههههههههه اجل ثوب عسى ماكمل العمرة به

مشكور اخوي ملك روما على مبادرتك الطريفه في ذكر هذا الموقف هههههههههه