خباز العزيزية الثالث

[رجال الرجاجيل]

بحمد الله وتوفيقة تم افتتاح خباز العزيزية
ويعتبر الخباز الثالث الذي يعمل في تمير بعد خباز الافغاني
وخباز المراجيــــــــم
ونتمنى عن قريب ان يفتتح الخبازالرابع
المقابل للمركز الصحي

[ابو حمد]

خبر مفرح وجميل افتتاح مخبز جديد في العزيزيه,,
نتمنى ان يستمر بالعمل وان لا يكون كمن سبقه مجرد مرور شهر او شهرين ثم لا تجد احدا في المخبز,,
الف شكر اخوي رجال الرجاجيل على الخبر واعتذر عن التعديل لكن للمكان وضعيته المناسبه فهناك تستطيع ان تكمل
الحكايه والروايه,,
تحياتي وتقديري,,

[رجال الرجاجيل]

شكراً على مرورك اخوي ابوحمد
بس ان الخباز شارط على (....)
ان مايجونة من قبل اوبعد صلاة الفجرمباشرة

[ابو حمد]

اي شرط واي تشرط؟
انا اليوم يوم جيت خباز المراجيم قالو لي خلاص خبز روح العزيزيه.. يوم جيت الا عبدالرحمن يالله انك تشوف طرف لحيته مغطيه الخبز ههههههه ماصدق خبر يوم شافني مع الملف طمر ولاقاني بالخبز وحلف علي ما ياخذ ريال لكني
رحمته قلت وين مايجي نفر؟ قال مافيه نفر يجي هنا!!!
راح عليه اليوم خمسة اكياس بالصو حظ الي يبي يشتري للغنم يعبي اكياس,,

[هادي]

يالله يا اهل العزيزية اشتروا خبز
حتى ما يصك مره ثانية
وينك يا هامة مضر لا تخلي العجين يبقى


سلام

[رجال الرجاجيل]

بدينا يبوحمد وهادي؟؟؟

اولاً الخباز مابعد سوا اعلان قدام خبازة زبارة رمل 0
ثانيا يمكن لوحة الخباز ازرق وابيض وانت خابر سكان الحي ميولهم(( للعالمي ))
ثالثاً تحويلة البلدية في الشارع العام

ورابعاً اخاف يتم تعديل؟؟؟؟؟؟؟؟؟؟؟( ؟)

[تميراوي وبس]

نعمة يا رجال نفتك من هالزحمة في المراجيم

[تحدوهـ البشر]

يالله اجل لاشوف ولا واحد من اهل العزيزية عند عبدالرحمن هههههههههههه حصري للخالديه


فديتك ياعبدالرحمن ياملك الخبز انت خخخخخخخخخخخ

[ابو حمد]

يالله اجل لاشوف ولا واحد من اهل العزيزية عند عبدالرحمن هههههههههههه حصري للخالديه


فديتك ياعبدالرحمن ياملك الخبز انت خخخخخخخخخخخ
عبدالرحمن هو الي يخبز في العزيزيه .. توهقت مع الربع يا تحدوه البشر ,,
انا اشوف الموضوع تحول لسالفه واخذ وعطا بين الشباب وش رايكم ينقل لمجلس السواليف افضل؟

[قلب الاسد]

الذين يشاهدون محتوى الموضوع الآن : 15 ( الأعضاء 11 والزوار 4) ‏قلب الاسد (http://www.tumairawe.net/vb/member.php?u=68), ‏المستشار (http://www.tumairawe.net/vb/member.php?u=587), ‏الشتاير (http://www.tumairawe.net/vb/member.php?u=179), ‏رجال الرجاجيل (http://www.tumairawe.net/vb/member.php?u=350), ‏زمن (http://www.tumairawe.net/vb/member.php?u=30), ‏سلطان بن محمد (http://www.tumairawe.net/vb/member.php?u=269), ‏عاشق الرمال (http://www.tumairawe.net/vb/member.php?u=357), ‏غيور (http://www.tumairawe.net/vb/member.php?u=175), ‏همسة حب (http://www.tumairawe.net/vb/member.php?u=662), ‏هامة مضر (http://www.tumairawe.net/vb/member.php?u=333)+, ‏هادي (http://www.tumairawe.net/vb/member.php?u=268)

ماشاء الله ماسكين سرا .. ترا الخباز في العزيزيه
ههههههههههههههههههههههه
ومبروك المخبز المؤقت ياأهل العزيزيه .. !!

[المتميزة 26]

مبروكين إن شاء الله

وعقبال ما يكتمل المول

[تميراوي الرياض]

بدينا يبوحمد وهادي؟؟؟

\
ثانيا يمكن لوحة الخباز ازرق وابيض وانت خابر سكان الحي ميولهم(( للعالمي ))
\؟؟( ؟)
في هاذي صدقت اهل العزيزيه اغلبهم ميولهم عالميه بس هل مسموح لاهل الخالديه يشترون منكم

[عاشق العالمي]

ههههههههههههههه

[هامة مضر]

ياهلا بالربع

تباركوبالنواصي والبقع

من يوم راح الوهبي وحنا بخير

اول الغيث قطره

اليوم المخبز وسفلتو الشوارع طبقه جديده

ويمكن يجي السيل بحول الله

لو حنا مفتكين منه من زمان كان عندنا هيبر بنده هالحين

تكفون ياللي تعرفونه قولو له لا تشوفه عيني

[هامة مضر]

في هاذي صدقت اهل العزيزيه اغلبهم ميولهم عالميه بس هل مسموح لاهل الخالديه يشترون منكم


غير مسموح البته

تراكم زودتوها شوي

سمحنا لكم تصلون معنا في الجامع الجديد اول جمعه بمناسبة الأفتتاح

ويالله تخلصنا منكم

والجمعه اللي راحت شاكين في واحد مصلي معنا الجمعه كنه منكم

وسألناه قال انا قصيمي
قلنا احلف
قال في صلاة امي وابوي اني من بريده
ولحقناه لين ركب خط القصيم

وفيه ناس منكم اذا اقام الامام دخلو معنا

لكن الجمعه الجايه اذا اقام قفلنا الباب

[تحدوهـ البشر]

عبدالرحمن هو الي يخبز في العزيزيه .. توهقت مع الربع يا تحدوه البشر ,,
انا اشوف الموضوع تحول لسالفه واخذ وعطا بين الشباب وش رايكم ينقل لمجلس السواليف افضل؟





طلع عميل عبدالرحمن ههههههههههه

[ملك روما]

الحقيقة ألمنا منظر أشقائنا في حي العزيزية ..وهم يتسابقون ويتزاحمون للحصول على ( رغيف خبز ) يسدون به جوعهم !! لذلك قررنا أفتتاح فرع للمخبز في حيهم رغم رفض الأفغان هذه الخطوة لدواعي أقتصادية .
نبارك لهم هذا الفرع الجديد ..ونتمنى لهم طيب العيش ..ونؤكد لهم حرصنا الشديد على الأرتقاء بالحي والسعي في النهوض به لمواكبة بقية الأحياء المتقدمة .

لعشاق الفول ..توفيره مرتبط بنجاح المخبز أولاً !

[رجال الرجاجيل]

وش مزعلكم مهوب ذنبنا ان ماعندكم في حيكم خباز (ان الله يرزق من يشاء بغير حساب)

وبعدين حاطين عند الخباز مكينة تصوير مايشترى احد الا يصور بطاقتة اذاكان من خارج الحي
وعن قريب سوف يمنع حمل( الفوطة الي يلف فيها الخبز ) 0
وسوف يحدد وقت لسكان حي العزيزية خاص بهم لشراء الخبزهو:-
1- قبل صلاة الفجر بساعةوبعد صلاة الفجر بساعة0
2- قبل صلاة المقرب بنصف ساعة 0وبعد صلاة المغرب مباشرة0
اما الاوقات الباقية لعامة الناس والاطراف 0

[ابو عدنان]

مساكم الله بالخير
الدعوى سواليف
إفتتاح المخبز في العزيزية ومن ثم إغلاقه في السنوات السابقة كان بسبب تنافس قوي من إصحاب نفوذ وكبار تجار من الأخوة الأفغان ولم يتم حل المنافسة القوية بينهم إلا بعد توسط شيوخ القبائل في بلادهم ويعزو نجاح المخبز للأسباب التالية
1- الفترة الصباحية يتم إفتتاح المخبز بعد صلاة الفجر مباشرة وينتهي الساعة الثامنة والنصف صباحاً ( أهل العزيزية يفطرون مبكرين ) والمخابز الثانية يحترون الناس اللي تجرجر الين الساعة 11
2- الفترة المسائية من بعد صلاة المغرب حتى مابعد صلاة العشاء بنصف ساعة فقط
ويتضح من الفقرتين 1و2 قصر فترة العمل قصيرة وتوفير للغاز
3- تركيز أهل العزيزية على المرقة كوجبة أساسية في العشاء ويستلزم معها الخبز
4- السلبية الوحيدة لأهل العزيزية عدم الحرص على شراء الفول لأن حريمهم تطبخ مهوب تناااااااااااااام
في الختام نبارك لأهل العزيزية توقيعهم لعقد إحترافي مع الخباز عبد الرحمن

[هادي]

مدام عبدالرحمن فلي خبزتين كل يوم
هذي مكتوبة في الوصية
يعني مستنتر عندكم
وتراني احسب من اهل الباطن يعني من الاطراف


سلا

[تحدوهـ البشر]

اهل العزيزية يستاهلون المخبز

هم مايستهلكون غير ثلاث اكياس بس والمخبز صغير على قدهم

وبعد النظر في معاناتهم وضعف حيلتهم تبرع من اهل الخالدية بالمخبز وفوقة عبدالرحمن

[هادي]

سمعنا انكم شاكين على وزارة التجارة راعي العمارة
اما رجال يفتح الخباز والا يقض الدكاااااااااااااااااان
والله منتب سهلين


سلام

[رجال الرجاجيل]

اهل العزيزية يستاهلون المخبز

هم مايستهلكون غير ثلاث اكياس بس والمخبز صغير على قدهم

وبعد النظر في معاناتهم وضعف حيلتهم تبرع من اهل الخالدية بالمخبز وفوقة عبدالرحمن

هههههههههههههههههههههة تبرع؟؟؟
ماعندكم خباز وتقول تبرع ؟؟اخبر قبل كم سنة فتح عندكم واحد في شارع الثلاثين(ودك تسمع بة)
ابد شهر اوشهرين بالكثير تحول من قدرة قادر الي محل بيع خضرة وصك بعد ؟
والاخر الي مقابل البلدية تحول الي بوفية ؟
علمني وين خبابيزكم ياهل الخالدية 0
وابشرويا اهل العزيزية ان الي مقابل المركز الصحي يبي يفتح نبي نسمح لسكان الخالدية
بس؟ بشرط كيس ونصف نظراً لمعانتهم
والله من وراء القصد

[هادي]

تراني مريت الصبح
ولقيت الخبز كوووم في خباز العزيزية
وخباز المراجيم زحمه ؟؟؟؟؟
يمكن ما سويتوا دعاية للناس علشان تجي
لكن رحمته وشريت منه الخبز ثلاث بريال
الله يدووم الرخص بارد ورخيص
وشرين بعد صحن فول وعدس
نحرك القدر شوووي لا يبرد مثل الخبز

سلام

[رجال الرجاجيل]

مريت وتقهويت عند رجال خابرة وهذة اخرتها ياهويدي
انا اليوم عند الخباز والااشوف اثنين من الخالدية
ماسكين سرا ؟
قال لهم واحد ما عندكم خباز قالو نبي عبدالرحمن لو يخبز لنا طين في وجهه العدووعرضوا علينا
مقايضة بعبدالرحمن ؟؟؟؟( وذكرة عدة اسماء )

[هادي]

العزيزية اهل كرم وشيمه وجود
ولكم حق ان حنا نقلط على كل وااااااحد فيكم
لكن يبقى خبز عبدالرحمن غير



سلام

[رجال الرجاجيل]

العزيزية اهل كرم وشيمه وجود
ولكم حق ان حنا نقلط على كل وااااااحد فيكم
لكن يبقى خبز عبدالرحمن غير



سلام
ونت تستاهل ياهادي
نبي نسمح لك تشتري خبز(ريالين بس )

[سعود]

مبروك الخباز بس لو تقترحون عليه يسوي خبز بالجبن احسن ,,,,,:encore::clapping:

[حــاتــم]

والله انك صااااادق يـــ سعود لايفوتكم خبز بالجبن

ومبروكين على الخباز

[هادي]

خبز تنور وعساهم يشرون منه
يا كود عاد تبيهم يشرون خبز بالجبن والخبزه بريالين بعد




سلام

[رجال الرجاجيل]

خبز تنور وعساهم يشرون منه
يا كود عاد تبيهم يشرون خبز بالجبن والخبزه بريالين بعد




سلام
لاوالله مهيب كايدة علينا ان الحن نشتري الشئ الغالي
مير خبز جبن وخبزسكر ومدري وش الباقي (الحمدالله نعمة)
لاكن اهل العزيزية ناس صحيين فاهمين متعلمين يعرفون
ماينفعهم ومايضرهم